Një ngjarje aspak e këndshme ka ndodhur në Itali në sheshin e Movida, Piazza San Giovanni XXIII, gjatë mbrëmjes së djeshme, ku protagonist ishte një shtetas shqiptar, 35-vjeçar, banues prej vitesh në këtë zonë të Italisë.
 
Shtetasi shqiptar ka tentuar që t’i afrohej një turisteje, duke i kërkuar që të shoqëroheshin. Por vajza nuk e ka pranuar ofertën dhe e ka refuzuar.
 
Shqiptari u ndje i ofenduar dhe nuk i erdhi mirë që vajza e refuzoi, dhe ka filluar ta dhunojë.
 
Mediat italiane shkruajnë se shqiptari, emri i të cilit nuk bëhet i ditur e grushtoi vajzën në mes të sheshit duke i thyer edhe katër dhëmbë.
 
Menjëherë ka ndërhyrë policia e cila ka ndaluar shqiptarin dhe më pas e çoi në polici, kurse vajza u shtrua në spital për ndihmën e nevojshme.



Redaksia online
D.M/Shqiptarja.com