Turizmi edhe gjatë vjeshtës së 2022-it duket se ka shënuar një ecuri të mirë ku numri i të huajve në struktura akomoduese ka qenë në rritje në raport me nëntorin e vitit të 2021.
Të dhënat e Institutit të Statistikave mbi strukturat akomoduese në nëntorin e shkuar tregojnë se nga totali i vizitorëve 50.9 për qind janë jo rezidentë. Nga këta të fundit 12.4 për qind janë shtetas të Kosovës ndërkohë që 10.2 për qind nga Italia.
“Në muajin Nëntor 2022, treguesit e shfrytëzimit të kapaciteteve të strukturave akomoduese, paraqiten si më poshtë: Numri i vizitorëve gjithsej është rritur me 13,5%, në krahasim me Nëntor 2021. Të njëjtën ecuri ndjekin edhe dy treguesit e mëposhtëm: numri i vizitorëve rezident është rritur me 11,8%; numri i vizitorëve jo-rezident është rritur me 15,2%.
Numri i netë qëndrimeve gjithsej ka rënë me 2,7%, në krahasim me Nëntor 2021. Treguesit e tjerë paraqiten si më poshtë: numri i netë qëndrimeve nga rezident është rritur me 6,0%; numri i netë qëndrimeve nga jo-rezident ka rënë me 8,2%”, thuhet në publikimin e INSTAT.
Vizitorët preferojnë rajonin Qendër
INSTAT vlerëson se gjatë muajit Nëntor 2022, është shënuar rritje e numrit të vizitorëve gjithsej me 13,5%, krahasuar me Nëntor 2021. Numri i vizitorëve rezident të cilët janë akomoduar në Rajonin Qendër ka shënuar rritjen më të lartë me 63,8%. Në Zonat Bregdetare ky tregues është rritur me 17,6%, krahasuar me të njëjtën periudhë të vitit të mëparshëm. Numri i vizitorëve rezident të cilët janë akomoduar në “Hotele dhe akomodime të ngjashme” ka shënuar rritjen më të lartë me 12,7%.
Në muajin Nëntor 2022, numri më i lartë i vizitorëve rezulton: sipas rajoneve në “Rajonin Qendër“ (53,4%); sipas zonave të afërsisë me bregdetin në “Zonat Jo-bregdetare” (65,7%); sipas llojit të strukturave akomoduese në “Hotele dhe akomodime të ngjashme” (97,1%). Rajoni qendër është më i preferuar përgjatë gjithë vitit në përgjithësi ku janë të vendosura Durrësi dhe Tirana. Në Durrës është pjesa më masive e turizmit të organizuar që zhvillohet prej vitesh.
Netë qëndrimet në rënie
Rritja e numrit të turistëve në tërësi gjatë vitit 2022 që është më i miri historik për vendin ka sjellë edhe në rritje të përgjithshme të netqëndrimeve por në nëntor të 2022-it krahasuar me të njëjtin muaj të 2021-it në fakt netqëndrimet kanë shënuar rënie.
“Gjatë muajit Nëntor 2022, numri i netë qëndrimeve gjithsej ka rënë me 2,7%, në krahasim me muajin Nëntor 2021. Numri i netë qëndrimeve të vizitorëve rezident të cilët janë akomoduar në Rajonin Qendër ka shënuar rritjen më të lartë me 39,7%. Në Zonat Jo-bregdetare ky tregues është rritur me 12,5%, krahasuar me të njëjtën periudhë të vitit të mëparshëm. Numri i netë qëndrimeve të vizitorëve rezident të cilët janë akomoduar në “Hotele dhe akomodime të ngjashme” ka shënuar rritjen më të lartë me 7,5%. Në muajin Nëntor 2022, numri më i lartë i netë qëndrimeve është realizuar: sipas rajoneve në “Rajonin Qendër“ (60,7%); sipas zonave të afërsisë me bregdetin në “Zonat Jo-bregdetare” (59,6%); sipas llojit të strukturave akomoduese në “Hotele dhe akomodime të ngjashme” (97,5%).
Norma neto e shfrytëzimit
“Normat neto të shfrytëzimit, të dhomave dhe të shtretërve, janë dy tregues të cilët masin përqindjen e shfrytëzimit të kapaciteteve akomoduese, dhoma e shtretër të disponueshëm për vizitorë. Gjatë këtij muaji norma e shfrytëzimit të dhomave të “Hoteleve dhe akomodimeve të ngjashme” është 9,7%, kundrejt 10,9 % që ishte në muajin Nëntor 2021. Norma e shfrytëzimit të shtretërve të “Hoteleve dhe akomodimeve të ngjashme” është 9,1%, kundrejt 9,7% që ishte në muajin Nëntor 2021”, thuhet në publikim./Monitor.al.
Komente
Lajme të tjera
-
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Vera ka mbaruar, por turistët e huaj s’i ndahen Shqipërisë! Britanikët lundrojnë në Vjosë me kanoe, Rama poston pamjet pikante (VIDEO)
29 Tetor, 08:39
SHTETI te marre masa ne bregdet ,,,te mos lejoje asnje te ndertoje pallate ne bregdet,,,,lejet te jepen vetem per hotele dhe resorte me 4-5 yje....
Përgjigju