X

POP 5

Lajmet më të lexuara të 5 minutave të fundit

Sociale

Lajme nga emisionet

Turizmi pas heqjes së masave anti-COVID, drejtuesi i sektorit të operatorëve turistikë: Pritet sezon i mirë, por çmimet do rriten të paktën me 20%! Problem mungesa e punonjësve dhe ndotja

Sipas drejtuesit të sektorit të operatortëve turistikë, Xhimi Lama, pritet një sezon i mirë turistik dhe prenotimet kanë filluar të rriten. Lama pranoi se do të ketë një rritje të çmimeve, ku në bare e restorante këtë vit çdo gjë do të kushtojë të paktën 20% më shumë se vitin e kaluar.

Nga 1 maji, Shqipëria ka hequr kufizimet për COVID-19 për shtetasit që hyjnë në territorin e vendit tonë, ku nuk kërkohet certifikatë vaksinimi apo test. Kjo do të ndihmojë jo pak turizimin, ku sipas drejtuesit të sektorit të operatortëve turistikë, Xhimi Lama, pritet një sezon i mirë. I ftuar  në "Sot Live në Shqipëri" me gazetarin Andi Kapxhiu, Lama tha se prenotimet kanë filluar të rriten.

"Heqja e masave është lajm shumë i mirë për turizmin, prenotimet kanë filluar të rriten. Muajt që vijnë pritet të sjellin edhe më shumë rritje. Turistë rusë dhe ukrainas ishin shpëtim për turizmin shqiptar, por prej luftës kjo ka ndryshuar. Këtë vit ka patur goxha prenotime nga Serbia, jemi të fokusuar më së shumti te tregu perëndimor", tha ai.

Lama pranoi se do të ketë një rritje të çmimeve, ku në bare e restorante këtë vit çdo gjë do të kushtojë të paktën 20% më shumë se vitin e kaluar.

"Kanë filluar rritjet e çmimeve në bare e restorante, do ketë një rritje me të paktën 20%. Çmimet në Europë janë rritur në mënyrë galopante", u shpreh ai.

Por pavarësisht se pritet një sezon i mirë, Lama theksoi se problem mbetet mungesa e stafit dhe ndotja.

"Ka probleme me stafin, për atë të kualifikuar as nuk flitet, por thjesht për staf, ka shumë probleme. Zakonisht të rinjtë vijnë për të mësuar për pak kohë dhe më pas largohen. Të huajt që vijnë nga vendet e treta nuk rrinë në Shqipëri, do rrinin me një rrogë 800 euro jo 400 dollarë. Ngritja e pagave është e domosdoshme, e rëndësishme t'i mbajmë që mos largohen të rinjtë nga Shqipëria. Pastërtia mbetet një problem. Nuk pastrohet vendi me aksione, duhet të krijohet një sistem, të paktën për 3 muajt e verës, duhet të ketë një vëmendje të shtuar të pushtetit lokal", theksoi ai.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Basha nuk e do Gazment Bardhin në karrigen afër, kërkesë në parlament: Në të majtë dua Agalliun, djathtas Kreshnik Çollakun

Basha nuk e do Gazment Bardhin në karrigen afër, kërkesë në parlament: Në të majtë dua Agalliun, djathtas Kreshnik Çollakun

18 Prill, 14:31