POP 5

Lajmet më të lexuara të 5 minutave të fundit

Bota

Turqi/ Zjarri në resortin e skive, 76 të vdekur! Hoteli nuk kishte sistem alarmi, Flakët shpërthyen në kuzhinën e hotelit! Arrestohen 4 persona, përfshirë pronarin

Një zjarr i madh në një hotel luksoz në një resortin e skive në Kartalkaya, në provincën Bolu, ka shkaktuar të paktën 76 viktima dhe dhjetëra të plagosur, ndërsa numri i viktimave pritet të rritet.

Turqi/ Zjarri në resortin e skive, 76 të vdekur! Hoteli nuk kishte sistem alarmi, Flakët shpërthyen në kuzhinën e hotelit! Arrestohen 4 persona, përfshirë pronarin

Resorti i skive që mori flakë

TURQI - Zjarri i madh që ra dje (21 janar) në hotelin luksoz në resortin e skive në Kartalkaya, në provincën Bolu, ka shkaktuar të paktën 76 viktima dhe dhjetëra të plagosur, ndërsa numri i viktimave pritet të rritet. Hoteli, që strehonte 240 të ftuar, nuk kishte sistem funksional të alarmit dhe fikjes së zjarrit, i cili besohet të ketë shpërthyer në kuzhinën e hotelit gjatë përgatitjes së mëngjesit të djeshëm.

Zjarrfikësit arritën me vonesë për shkak të distancës dhe aksesit të vështirë në zonë, duke e bërë situatën edhe më tragjike.

Presidenti turk Recep Tayyip Erdoğan shpalli një ditë zie kombëtare dhe premtoi që përgjegjësit do të mbajnë llogari para drejtësisë. Ai shprehu ngushëllime për familjet e viktimave, duke e quajtur këtë një tragjedi që ka tronditur zemrat e kombit.

Autoritetet turke kanë arrestuar deri tani 9 persona, përfshirë pronarin e hotelit, shkruan sot CNN Turk

Ndërkohë ministri i Drejtësisë Yilmaz Tunc në X shkruajti se për hetimin e ngjarjes ishte ngritur një grup hetimor prej gjashtë prokurorësh.

Ngjarja ka shkaktuar zemërim të madh dhe mediat turke kanë kritikuar mungesën e masave të sigurisë dhe kanë raportuar për sjellje të papërshtatshme të disa individëve që vazhduan të bënin ski pranë vendit të tragjedisë ndërsa trupat e viktimave po largoheshin nga hoteli.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Itali/ Po punonte në kantierin e ndërtimit, humb jetën shqiptari 63-vjeçar në Rovato! Ekspertiza mjeko-ligjore konfirmon vdekjen nga shkaqe natyrore (EMRI)

Itali/ Po punonte në kantierin e ndërtimit, humb jetën shqiptari 63-vjeçar në Rovato! Ekspertiza mjeko-ligjore konfirmon vdekjen nga shkaqe natyrore (EMRI)

22 Janar, 10:48