Turqia dërgon njëmijë trupa speciale në kufi për të ndaluar kthimin e emigrantëve (FOTO)

Forcat speciale turke do të dërgohen në kufi për të kundërshtuar Athinën dhe politikën e saj refuzuese për migrantët

Sot Turqia do të dërgojë një mijë agjentë të forcave speciale për të shmangur rikthimin e migrantëve nga rojet kufitare të Athinës në kufirin Grek drejt kufirit turk.

Lajmi u dha nga Ministri i Brendshëm i Ankarasë Suleyman Soylu, duke shtuar se 164 refugjatë janë goditur nga autoritetet greke.

Sipas Ankarasë zyrtare 138.647 emigrantë kanë udhëtuar deri tani nga Turqia në drejtim të kontinentit europian.

Ankaraja ka akuzuar autoritetet greke se ka plagosur shumë emigrantë në kufirim midis dy vendeve.

Suleyman Soylu tha se policia dhe ushtria greke ka plagosur 164 emigrantë. “Ne- tha si- po vendosim 1.000 forca speciale policie në kufi për të parandaluar kthimin e emigrantëve."

Turqia, në konflikt me Moskën dhe Damaskun në veri-perëndim të Sirisë, është shtëpia e 3.6 milion refugjatëve sirianë dhe sipas Ankarasë, nuk mund t'i menaxhojë më ata dhe i kërkon BE-së tre miliardët e premtuar në marrëveshjen e vitit 2016, nga të cilat ajo mori vetëm 1, siç thotë Ankaraja.

Presidenti turk Erdogan po viziton Moskën për një takim dypalësh me Vladimir Putin për situatën në Idlib në Siri ku forcat turke janë ndeshur ushtarakisht me forcat ruso-siriane, duke shkaktuar shpërnguljet masive që po shkojnë drejt kufirit.

Lajmi kryesor:

Emigrantët/Gaz lotsjellës dhe plumba gome në kufirin grek, Brukseli: Turqia po i shfrytëzon për interesat e saj (VIDEO)

TAG:
• greqi
• BE
• Bruksel
• turqi
• Siri
• emigrantet