POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Bullgur me mëlçi dhe Dredhanik me arra e shërbet

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Bullgur me mëlçi 
Përbërësit:
1 gotë uji bullgur i trashë 
1 lgj vaj ulliri
1 lgj rrush i thatë 
Mëlçi qingji 
1 lgj stika pishe 
1 kokërr qepë e thatë 
1 kokërr domate 
1 spec jeshil 
1/4 spec i kuq 
1 lugë margarinë 
1 lç kripë
1 lç piper i zi
2 gota ujë i zier

Përgatitja:
E lëmë rrushin e thatë kokërr vogël për 5 minuta në ujë dhe i kullojmë. Në një tigan hedhim vajin e ullirit dhe margarinë për të shkrirë. Pasi të ketë shkrirë, shtojmë stikat e pishës dhe i skuqim deri sa të marrin ngjrën rozë. Më pas shtojmë qepën dhe pas pak edhe mëlçcitë dhe i kaurdisim të gjitha bashkë. Pasi shtojmë specin dhe domaten e grirë , i trazojmë dhe për 2 minuta. Më pas shtojmë kripën, piperin e zi, bullgurin, rrushin, dhe ujin e zier. I lëmë të ziejnë për 15 minuta. Pasi bullguri të ketë zier, e lëmë për 20 minuta të pushojë dhe më pas e servirim.

Receta e dytë: Dredhanik me arra dhe shërbet 
Përbërësit:
1 pako peta
300 gr gjalp 
300 gr arra
Pak kanellë 
200 gr hallvasi (sipas dëshirës )
Shërbeti:
1 kg sheqer
750 ml ujë
3 feta limon 
2-3 karafil

Përgatitja:

Fillimisht sheqerin e vendosim në ujë të ftohtë me 2 feta limon, 1 shkop kanelle dhe 3-4 copë karafil. E vendosim tenxheren në zjarr dhe e lemë sa të marrë valë, e lemë 5 minuta dhe më pas e largojmë të ftohet.Ndërkohë vendosim gjalpin në një tenxhere të vogël të shkrijë.Vendosim arrat dhe pak kanellë në një mikser dhe i grijmë arrat në copëza të vogla.Marrim një petë, e lyejmë mirë me gjalpin e shkrirë dhe mbi të vendosim një petë të dytë duke e puthitur mirë me petën e parë. Lyejmë përsëri petën e dytë me gjalpë dhe më pas përhapim arra në të gjithë sipërfaqen e petës. Në mes të petës vendosim një okllai (në mungesë dy shkopinj shishqebapi të bashkuar horizontalisht) dhe palosim petën në dysh duke mos e larguar okllainë. E rrokullisim petën duke formuar një role të cilën e rrudhosim pak duke lëvizur duart nga anët e rolesë në qendër. E vendosim dredhanikun në një tepsi të lyer me gjalpë dhe kështu vazhdojmë deri në përfundimin e të gjithë petëve. Pasi të jetë mbushur tepsia presim dredhanikun duke e ndarë në pjesë dhe e vendosim në furrë të piqet.Pasi sherbeti të jetë ftohur pak, sherbetosim dredhanikun me arra sapo ta nxjerrim nga furra. E lemë të ftohet mirë dhe më pas e shërbejmë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama në Londër: Nismë ligjore për rikthimin e emrit të shqiptarëve të regjistruar si kosovarë në Britani

Rama në Londër: Nismë ligjore për rikthimin e emrit të shqiptarëve të regjistruar si kosovarë në Britani

24 Nëntor, 14:00