POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Sfoliatë me domate e borzilok dhe Lakër turshi me mish

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Sfoliatë me domate dhe borzilok

Përbërësit:

1 pako sfoliatë

3-4 domate

2 thelpinj hudhër

3-4 lgj vaj ulliri

50 ml qumësht

½ tufë borzilok

Kripë dhe piper

Përgatitja:

Vendosim në tavolinë petën sfoliatë mbi një letër pjekje. E presim atë në kuadrata me madhësi mesatare. Lyejmë sipërfaqen e petës me pak qumësht me furçë. Presim domatet në feta rrumbullake dhe mbi çdo kuadrat sfoliatë vendosim një fetë rrumbullake me domate. Marrim ½ tufë borzilok, e copëtojmë, grijmë hollë hudhrat dhe shtojmë vaj ulliri, kripë e piper.

Pasi të piqet sfoliata e nxjerrim dhe në çdo mes domate vendosim 1 lugë pesto.

Sfoliatë me domate dhe borzilok

Receta e dytë: Lakër turshi me mish

Përbërja:

500 gr mish

Pak mish të thatë(sipas dëshirës)

2 qepë mesatare

2 thelpinj hudhër

1 lgj salcë speci

Piper i zi

2 gjethe dafine

1,5 – 2 kg lakër turshi

Vaj ulliri

Ngrohim vajni në një tenxhere dhe kaurdisim qepën të grirë hollë , hudhrat i kaurdisim pak dhe shtojmë mishin e më pas i kaurdisim së bashku.

Shtojmë 1 lugë gjelle salcë spevi, i trazojmë mirë duke shtuar pak nga pak ujë që të tretet. Largojmë copat e mishit, shtojmë lakrën turshi të prerë në fije , dafinë, piper të zi dhe i gotë ujë. Vendosim mbi lakër copat e mishit, kapakun dhe e lëmë të ziejë në temperaturë mesatare për 30 40 minuta.

Lakër turshi me mish

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54