Të gatuajmë me Zonjën Vjollca/Patëllxhanë të mbushur me gjizë (në furrë) dhe Petulla me kos për mëngjes

Përmbajtja

4 patëllxhanë

500 gr gjizë pa kripë

400 gr salcë domate

8-10 fetë djath mozzarella

50 gr djath kaçkavall të integruar

Majdanoz ose borzilok

Kripë dhe piper i zi

 

Përgatitja

Lajmë dhe thajmë patëllxhanët, e më pas i presim ato në feta të holla dhe i spërkasim me pak kripë.  Pasi nxjerrin lëngun, i thajmë mirë dhe i pudrosim me pak miell , i skuqim nga të dy anët deri sa të zverdhen pak.

Vendosim gjizin në një tas dhe shtojmë në të kripë, piper të zi e majdanoz të grirë hollë, dhe të gjitha këto i përziejmë mirë.

Vendosim në çdo fetë patëllxhani gjizë, duke e hapur atë në të gjithë sipërfaqen. Kështu vazhdojmë me të gjitha fetët e patëllxhanit.

Shtojmë në tepsi një shtresë me salcë dhe vendosim patëllxhanët role duke mbushur komplet tavën.

Përsëri mbi patëllxhanë shpërndajmë pak salcë dhe në fund vendosim fetat e mozzarelës. Vendosim tavën në furrë në temperaturën 200 gradë Celsius për 25 minuta.

 

Receta e dytë : Petulla me kos për mëngjes

Përbërësit

1 kokërr vezë

150 gr kos

1 lugë çaji kripë

150 ml ujë

350 – 400 gr miell

¼ lugë kafe kripë

2 lugë gjelle qumësht

Vaj për skuqje

Përgatitja

Vendosim miellin në një tas duke lënë një dorë mënjanë. Hapim një gropë në mes dhe hedhim vezën e plotë , kosin kripë dhe i përziejmm pak. Pa  shtuar miellin shtojmë ujin dhe i përziejmë përsëri. Shpërndajmë një majë luge kafe sodë buke në miell dhe përziejmë masën e lëngshme duke shtuar ngadalë pjesën e mbetur të miellit . e përziejmë të gjithë masën duke shtuar në fund 2 lugë gjelle qumësht. E trazojmë brumin mirë deri sa shohim që ai të jetë lidhur mirë ( një brum jo shumë i fortë, por jo shumë i hollë). E lëmë të pushojë për 10 minuta.

Nxehim vajin dhe me ndihmën e 2 lugëve çaj formojmë petullat jo shumë të mëdha me qëllim që të piqen shpejt dhe të mbeten të verdha. I shoqërojmë me djath , reçel ose mjaltë.

Ju bëftë mirë!

 

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund