Nga SHBA e Kanadaja në Amerikën e Veriut, Evropë e deri në Australi janë shfaqur në media më të rëndësishme botërore pamje të seancës parlamentare të së hënës, 20 nëntor, në Kuvendin e Shqipërisë, mes kaosit, tymit e flakës ndërsa duhej të ishte një nga seancat më të rëndësishme të Parlamentit pasi duhej të diskutohej pr/buxheti 2024.
E teksa imazhet kanë përcjellë një imazh 'të padenjë' për Shqipërinë, që kërkon të integrohet në BE, ka nxitur dhe reagime të ashpra nga mijëra ndjekës në rrjetet sociale, Sali Berisha doli sot në konferencë të krenohet para gazetarëve për kaosin e krijuar duke mos lejuar zhvillimin e një seance normale diskutimi siç duhej të ndodhte në botën demokratike.
“ Dy arsye bënë mbrëmë që Shqipëria të jehojë në titujt më kryesorë të medieve ndërkombëtare. E para ishte ndeshja përmbyllëse e kombëtares në eliminatoret e Euro2024. E dyta ishte qëndresa e opozitës shqiptare në parlament kundër mobodiktaturës apo narkodiktaturës së Edi Ramës.Duhet të theksoj se mediat më serioze të planetit, BBC, Fox News, ZDF, SKY, Washington Post, Guardian, Independent, Telegraph dhe dhjetëra e dhjetëra media në të pesë kontinentët, kishin në tituj kryesorë aksionin opozitar pa kthim të opozitës shqiptare.
Opozita i tregoi mbrëmë botës se kryeministri shqiptar, që herë vishet me atlete për modern dhe herë tjetër me çitjane për oriental, votoi dje në 4 minuta, në rekordin më të turpshëm botëror, buxhetin dhe kjo sepse ai nuk pranon të lejojë në përputhje me Kushtetutën, krijimin e komisioneve hetimore parlamentare për veten, familjen, sojsorollopin e tij dhe ministrat dhe zyrtarët e tij. Opozita i tregoi botës se Edi Rama në fakt është një kryeministër, por pasi voton buxhetin, i ndalon opozitës të paraqesë ligje, duke i mohuar asaj 31 të tilla, pa proces të duhur parlamentar.
Berisha shkon më tej duke sulmuar analistët të cilët u shprehën kundër aksionit opozitar të kaosit në seancën ku do të votohej pr/ligji më i rëndësishëm për vendin ai që ka të bëjë me financat për vitin e ardhshëm.
“Analistët e qeverisë, për të shumuar aksionin, për dezinformuar apo hedhur baltë mbi të, u shprehën se nuk ishte kjo një fitore, pasi buxheti u votua gjithsesi. Mjerimi nuk ka kufi në mendim, përveçse këtë. Beteja e opozitës është për një qëllim madhor. Misioni ynë është shembja e diktaturës. Diktaturat nuk shemben duke ndaluar një votim, por duke treguar të vërtetën njerëzve dhe opinionit publik shqiptar dhe ndërkombëtar. Dhe e vërteta mbrëmë u tregua pa asnjë filtër nga mediat më të fuqishme të botës" tha Berisha.
Ish kryeministri u shpreh i vendosur për të vijuar më tej skenarin e kaosit, për të cilin ai thotë se 'nuk ka kthim' deri në plotësimin e kërkesave të opozitës. Maxhoranca e akuzon se po përpiqet të mbrojë veten pasi refuzon të paraqitet në SPAK ku është në hetim për aferën e privatizimit të kompleksit Partizani, që pasoi me ndërtimin e 19 kullave dhe një fitim, sipas SPAK, të 5.4 milionë euro për dhëndrin e tij, Jamarbër Malltezi.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
E gjithe bota shkruajti se cfare qeniesh jasht njerezore jane ata qe ndezin flaken ne mes te parlamentit u habiten me shtazen e pyllit Sali Berishen dhe bashkautoret e tij funderrinat!As koshi i plehrave nuk do ti mbaj dot keta mbeturina!
Përgjigju