POP 5

Lajmet më të lexuara të 5 minutave të fundit

Kronikë

U aksidentua për vdekje nga ish-kunati dy vite më parë në Lezhë, flet për Report Tv babai i viktimës: Janë përfshirë 4 persona në vrasjen e djalit

Për vrasjen e Ylli Menës 2 vite më parë në Ishull Lezhë dyshohet se është i përfshirë edhe një i afërm i viktimës përveç kunatit të tij. Megjithatë, babai i Menës insiston se janë edhe dy të tjerë të cilët policia ende nuk i ka identifikuar.

Hetimet  e Policisë Lezhë kanë identifikuar edhe një person i cili dyshohet se ka bashkëpunuar me Albert Kaca për vrasjen e Ylli Menës në shtator të vitit 2019. Viktima ishte kunati i autorit, ndërsa babait i tij, Preng Mena insiston se në këtë ngjarje janë përfshirë të paktën 4 persona.

‘Janë 4 persona, sepse Anton Kola që ka parë ka thënë janë 3 veta që kanë gjujt djalin. Kurse një tjetër ka qenë në makinë dhe ka nxjerrë makinën dhe i kanë thirrur ‘Flor ikim’.’- tha Preng Mena.

Preng Mena ka besim se drejtësia do të veprojë dhe se të gjithë autoret do të zbulohen e të marrin dënimin maksimal.

‘Kam shumë besim tek prokurori, do ja lë zotit dhe shtetit.’- u shpreh ai Mena.

Ylli Mena u aksidentua me dashje për vdekje me makinë mëngjesin e 21-shtatorit të vitit 2019-të, teksa po lëvizte në këmbë në Ishull-Lezhë. Për këtë ngjarje është marre i pandehur ish-kunati i viktimës Albert Kaca, ndaj të cilit është ngritur akuza “Vrasjes së kryer brenda rrethit familjar”, vepër kjo që parashikon një dënim nga 35 vite burgim deri në burgim të përjetshëm.

Autori i dyshuar vijon të jetë në arrati dhe po gjykohet në mungesë, ndërsa divorci i viktimës me motrën e autorit është bërë shkak i krimit të rëndë. Një tjetër person i afërm i autorit kryesor është marrë në pyetje dhe po i nënshtrohet ekzaminimeve, pasi i kanë dalë gjurmët në automjetin e përdorur na ngjarje, por ende nuk është arritur të provohet përfshirja e tij, ndaj dhe nuk është lëshuar urdhër ndalimi. I riu u zbulua pas aplikimit që bëri për të ndjekur Akademinë e Policisë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55