U arratis nga komisariati i policisë, 30-vjeçari arrestohet tek 'Ali Demi'! Më parë u vu në pranga për armëmbajtje pa leje

TIRANË - 30-vjeçari Riljon Lalaj i cili u arratis gati 1 muaj më parë nga Komisariati nr.1 Tiranë, u arrestua sërish pasditen e kësaj të hëne në zonën e Ali Demit.

Gazetari i Report Tv, Sokol Dema raporton se i riu është arrestuar në një banesë të cilin i riu e kishte marrë me qira në këtë zonë.

Kujtojmë se fillimisht Lalaj u arrestua më 2 janar nga policia pasi u kap duke lëvizur me një armë dhe në momentin që ka parë patrullën, ai e ka hedhur në tokë dhe u mundua të largohej me vrap, por pa sukses.

Më pas i riu u dërgua në Komisariatin nr.1 në Tiranë ku më 4 janar ai arriti të arratisej. Mësohet se ai do të dërgohej në Gjykatë për tu njohur me masën e sigurisë dhe ishte lënë pa pranga dhe nën mbikëqyrjen e një efektivi policie.

Në këtë moment që do të jepte shenjat e gishtave, 30-vjeçari ka përfituar nga rasti dhe është arratisur me shpejtësi nga dera pasme e Komisariatit nr. 1. Sipas rregullores, ai duhej të ishte i shoqëruar nga dy oficerë, ndërsa në rastin konkret shoqërohej vetëm nga një.

Ndërkohë lidhur me këtë rast, Shërbimi për Çështjet e Brendshme dhe Ankesave në Ministrinë e Brendshme nisi procedimin penal për 7 punonjës policie.

I arrestuari Riljon Lala

Rendit zhvillimet sipas orarit:

Të Fundit Të Parat

E.M./b.ha./Shqiptarja.com

TAG:
• policia e tiranes
• Gjykata e Tiranes
• arrest me burg
• Ali Demi
• Riljon Lala