POP 5

Lajmet më të lexuara të 5 minutave të fundit

Kronikë

1 mijë € për certifikatën e pronësisë, Gjykata lë në burg 3 ‘sekserët’ e Shkodrës, njëri arrest shtëpie (Detaje)

Gjykata e Shkodrës ka dhënë masën e sigurisë arrest me burg, për 3 të arrestuarit e korrupsionit në hipotekën e këtij qyteti dhe arrest shtëpie për të katërtin. Ata akuzohen se morën 1 mijë euro nga Ndoc Tarja për të marrë një certifikatë pronësie.

Gjykata e Shkodrës ka lënë në burg 3 nga katër të arrestuarit e rastit të korrupsionit në hipotekën e Shkodrës. Në “arrest me burg” u lanë Mirjam Bletaj, ish jurist  i hipotekës dhe Sokol Tirana (sekser), si edhe Johan Zefi, ndërsa për Ndoc Tarjan gjykata ka dhënë masën arrest shtëpie.

Të arrestuarit e 21 shtatorit, akuzohen se morën 1 mijë euro nga Ndoc Tarja për të marrë një certifikatë pronësie. Të akuzuarit mohuan akuzat në sallën e gjyqit, por gjykata pranoi kërkesën e prokuroris duke iu dhënë masën “arrest me burg”. Specialisti i Hipotekës, Johan Zefi, 39 vjeç, banues në lagjen Tom Kola në Shkodër, u kap mat në momentin që dha para brenda hipotekës dhe mori një certifikatë pronësie për Ndoc Tarajn.

Rolet e të arrestuarve dhe ndaluarve në rastin e korrupsionit

Johan Zefi, 39 vjeç, banues në lagje Tom Kola, Shkodër (Specialist në Hipotekë)

Ndoc Taraj, 70 vjeç, banues në fshatin Mushan, Shkodër, (Përfituesi i certifikatës)

Juristi Mirjan Bletaj, 31 vjeç, banues në lagjen Fahri Ramadani, Shkodër (juristi bashkëpunëtor)

Sokol Tirana, 49 vjeç, banues në lagjen Tom Kola, Shkodër. (Sekseri)
 

Skema e funksionimit të tyre

Në mesin e të ndaluarve është edhe juristi i Hipotekës së Shkodrës, Mirjan Bletaj, këshilltar në bashkinë e Shkodrës në flamurin e Partisë Socialiste, që dyshohet se ka patur dijeni për ngjarjen. Sokol Tirana, 49 vjeç, banues në lagjen Tom Kola, është i arrestuar pasi dyshohet se ka bërë punën e sekserit të këtij grupi.

Shtetasit e sipërpermendur dyshohet se kanë konsumuar veprat penale “Korrupsioni Pasiv i personave që ushtrojnë funksione publike” dhe “Ushtrimi i ndikimit të paligjshëm ndaj personave që ushtrojnë funksione publike”. Vijojnë hetimet për dokumentimin dhe arrestimin e personave të tjerë të përfshirë në këtë aktivitet kriminal.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59