X

POP 5

Lajmet më të lexuara të 5 minutave të fundit

Kronikë

U denoncua i humbur në 'Pa Gjurmë', gjendet i mbytur në një kanal kullues pranë lumit të Lanës në Shkozë vogëlushi 5-vjeçar (VIDEO)

Klodian Hashimi  rezultonte i humbur në 17 shkurt të këtij viti, nga parku i lodrave pranë banesës në Shkozë. Pikërisht në një kanal kullues pranë lumit të Lanës tek banesat sociale në Shkozë, ku banon familja e tij, djali është gjetur i mbytur. Konfirmimin e dha në redaksinë e Report Tv, xhaxhai i tij. Policia: Trupi i kompozuar, dyshohet se është mbytur aksidentalisht.

TIRANË - Pas dy javësh i humbur, 5-vjeçari Klodian Hashimi gjendet i pajetë, i mbytur në një kanal kullues pranë lumit të Lanës tek banesat sociale në Shkozë, ku familja e tij jeton. Vogëlushi ishte denoncuar më parë i zhdukur në emisionin "Pa Gjurmë" në Report Tv.

Klodian Hashimi rezultonte i humbur në 17 shkurt të këtij viti, nga parku i lodrave pranë banesës në Shkozë. Familjarët e gjetën shumë pak metra larg shtëpisë së tyre tek banesat sociale në Shkozë, por fatkeqësisht të pajetë. 

Në një njoftim zyrtar për ngjarjen e rëndë, policia e Tiranës tha se "rreth orës 12:15 fëmija u gjet i dekompozuar në Shkozë, në një kanal kullues në afrësi të banesave sociale dhe ngjitur me lumin e Lanës"

"Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, ku paraprakisht dyshohet se është mbytur aksidentalisht", njoftoi policia.

Konfirmimin e parë e dha në redaksinë e Report Tv, xhaxhai i tij i cili është njoftuar nga i ati i Klodianit, se 5-vjeçari u gjet i pajetë. Ai hedh akuza se edhe shteti duhej të tregonte më kujdes, pasi në atë zonë rrezikohet jeta e shumë fëmijëve të tjerë që mund të kalojnë rrethimin me tela dhe të përfundojnë në lumin e Lanës.  

"E kanë gjetur brenda në ujë përmbysur. Është një pellg me ujë, mund të ketë kaluar ndonjë gardh e të ketë rënë.", tha në një lidhje telefonike për Report Tv Adriatik Trëndafili, xhaxhai i djalit.

"Ka motra ime, kanë të tjerët fëmijë, kanë të gjithë fëmijë. U mbyt sot ai do mbytet tjetri nesër me këtë gjendje që është kanali. Një mur kërkojmë, të behetë një mur rrethues", tha një banor i zonës duke shfaqur të njëjtin shqetësim.

Kjo zonë është ende kantier ndërtimi, pasi po vijon projekti për rehabilitimin e bregut të Lumit të Lanës në segmentin nga Materniteti i Ri deri në Shkozë.

Sipas deklarimeve të familjarëve më 20 shkurt në emisionin "Pa Gjurmë", 5-vjeçari u la i vetëm për rreth 30 minuta duke luajtur me fëmijët e tjerë dhe pastaj u zhduk pa asnjë gjurmë. Ndërsa sot, fatkeqësisht morën lajmin tragik.

1583064296_hashimi.jpg

Klodian Hashimi

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 02/03/2020 15:41

    Biri i vogel, ç'fat te keq paske patur?! Syte me lot m'u mbushen.

    Përgjigju
  • arbeni: 01/03/2020 18:39

    gjynah djali I vogel,,,,shteti te rregulloje keto pellgje e puse qe te mos bien kalamajte e te mbyten….ngushellime familjes..

    Përgjigju
  • Ergysi: 01/03/2020 14:56

    shpirti i tije pushoft qete ne xhenet. vetem durim per kete sprove qe ju ka rene prinderve djali i tyre ne diten e gjykimit do i presin ne njeren ne tete dyert e xhehnetit...

    Përgjigju
  • Arbëri: 01/03/2020 13:02

    Ngushllime familjes!

    Përgjigju
    • Bonita: 02/03/2020 00:03

      Gushllime familes po qysh u gjet I vdekur para baneses po vetem e ka myt naj kush edhe e ka gjujt aty ska shtet kosova

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

U17/ Shqipëria fiton me përmbysje, mposht Slloveninë në udhëtim

U17/ Shqipëria fiton me përmbysje, mposht Slloveninë në udhëtim

18 Prill, 16:47