POP 5

Lajmet më të lexuara të 5 minutave të fundit

Kronikë

U denoncua në 'Pa Gjurmë' i humbur një ditë më parë, gjendet trupi i pajetë i 72-vjecarit

Pak orë pasi u denoncua si i humbur në emisionin ‘Pa Gjurmë’ gjendet trupi i pajetë i 72-vjecarit Vasil Bano. Mbrëmjen e djeshme, i moshuari u gjet jo shumë larg banesës në Lushnjë, ku jetonte me vajzën e tij.

Mëngjesin e 15 qershorit Vasili, i cili vuante nga skleroza, doli për të mos u kthyer dot më. Informacionet e para, që mbërritën gjatë transmetimit live e lokalizuan vendndodhjen e tij, po brenda qytetit të Lushnjes, por pa mundur të arrihet në vendin, ku edhe u gjet i pajetë, pranë një banese të braktisur. Një person ka njoftuar familjen, pasi ka mundur të identifikojë 72-vjecarin që kërkohej në emisionin ‘Pa Gjurmë’. Me lot në sy, thuajse e pamundur për ta besuar, vajza që e kërkoi një ditë më parë në emision dha këtë lajm te hidhur:

‘Një person që është roje në një ndërtesë aty afër na njoftoi se e kishte gjetur trupin e pajetë. Babai im kishte mbaruar. U gjet mbrëmjen e djeshme, në një shtëpi të pabanuar. 10 minuta larg nga shtëpia. Kishte rënë nga një lartësi. Kishte rënë keq dhe e gjetëm pa jetë. Unë kisha dyshime pasi prej tre ditësh askush nuk e pa. Ishte fati i tij, mbaroi. E kemi përcjellë drejt banesës së fundit. Që nga ajo rrugë nuk u kthye më. Nuk mundi, ndoshta nuk kishte patur njeri ta ndihmonte. E humba babain’, përlotet në studio vajza e tij Esmeralda, teksa dha këtë lajm të hidhur për babain e saj

Vasil Bano doli nga banesa këtë të hënë dhe nuk u kthye më. I moshuari vuante nga skleroza prej tri vitesh. Pak para se të zhdukej i kërkoi vajzës ta falte.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi