Sot demokratët e qarkut të Lezhës kanë nisur votimin e kandidatëve për deputetë për zgjedhjet e ardhshme, por ajo që bie në sy në listën me 31 kandidatë të propozuar është mungesa e ish-kreut të Bashkisë Lezhë, Fran Frrokaj.
Ky përjashtim i tij nga lista e PD lidhet padyshim me vendimin e Gjykatës, e cila disa ditë më parë e dënoi me 4 vite burg për tjetërsimin e pronave në zonën e "Ranës së Hedhun" në Shëngjin.
Ndonëse pas vendimit të Gjykatës PD i doli në mbrojtje ku tha se ai ka bërë një punë të shkëlqyer, përsëri s'e ka futur në listë. “Ne jemi të bindur për punën e shkëlqyer që ai ka bërë për Lezhën dhe qytetarët e saj, sikundër shprehim besimin se zoti Frrokaj ka punuar çdo ditë me përkushtim dhe ndershmëri”, thuhej në një reagim të numrit dy të PD, Gazment Bardhi.
![](https://shqiptarja.com/template/img/NO_ALFA_Kuadrate shqiptarja.png)
Report tv mëson se Frrokaj është propozuar nga baza por nuk është pjesë e emrave që do të votohen sot nga emokratët e qarkut Lezhë.
Pra si duket ky vendim ka bërë që PD të përjashtojë nga lista një prej njerëzve që ka pasur rol kyç në mbeldhjen e votave që kjo parti ka marrë në qarkun e Lezhës vite më parë.
Ndonëse më herët ka qenë një bastion i të djathtës, në 2017 në qarkun e Lezhës PD mori vetëm 3 mandate, duke shënuar një rënie të ndjeshme.
Lajmi kryesor:
Votohen sot kandidatët për deputet në Lezhë, PD 'ndëshkon' ish-kryetarin e Bashkisë që u dënua me 4 vite burg, e përjashton nga lista (VIDEO)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
PD do mare ket temin ne Lezhe
Përgjigju