ELBASAN - Një atentat i dështuar është regjistruar pak pas mesditës të kësaj të shtune në një lokal në hyrje të qytetit të Elbasanit. Një 52-vjeçar i ulur në një lokal është çuar dhe i ka vënë pistoletën në kokë një personi i identifikuar si Ermir Kertezi, 50-vjeç. Arma nuk ka shkrepur dhe objektivi është larguar me vrap duke shpëtuar mrekullisht. Autori Poli Boriçi është arrestuar vetëm pak minuta më pas.
Ky është momenti kur, Poli Boriçi, 53-vjeçar i vendos pistoletën në kokë Ermir Kërtezit në Elbasan në tentativë për ta ekzekutuar, por pistoleta nuk shkrepet dhe 50-vjeçari shpëton për mrekulli.
Ngjarja e ndodhur rreth orës 12:40 të së shtunës i shtangu të gjithë të pranishmit në lokalin në hyrje të qytetit të Elbasanit, i cili në ato momente ishte plot me klientë.
Gjithçka ndodhur për 37 sekonda. Në pamjet e siguruara nga Report Tv duket objektivi i atentatit, 50-vjeçari Kërtezi, i veshur me bluzë të zezë. Ai fillimisht ndodhej brenda lokalit, kalon mespërmes ambienteve të jashtme të barit, dhe ndalet për pak sekonda jashtë.
Por lëvizjet e tij duket se janë ndjekur nga një tjetër person, i veshur me të bardha, me kapele të zezë, dhe në çantën e varur në trup mbante armën pistoletë. Atentatori Poli Boriçi ishte në kafe në shoqërinë e bashkëshortes.
52-vjeçari Boriçi çohet menjëherë, nxjerr pistoletën, ia vendos në kokë Kërtezit por arma i bllokohet. Objektivi reagon shpejt, shtyn atentatorin e tij, dhe ka arritur të largohet me shpejtësi. Boriçi e ka ndjekur për pak metra personin që donte ta eliminonte dhe më pas është larguar nga vendi i ngjarjes. Por arratia i ka zgjatur vetëm pak pasi policia ka mundur ta lokalizojë dhe ta arrestojë.
Njëkohësisht, shërbimet e Policisë gjetën dhe sekuestruan, në cilësinë e provës, armën e zjarrit pistoletë me të cilën autori 52-vjeçar tentoi të vriste 50-vjeçarin.
Deri tani, motivi mbetet i paqartë dhe pritet të jetë një prej pikave kryesore të hetimit.
-------------------------------
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Uniformat blu kanë reaguar pas atentatit të dështuar në një lokal në Elbasan.
Pas arrestimit të 52-vjeçarit blutë bëjnë me dije se kanë sekuestruar edhe armën e zjarrit, pistoletë.
Njoftimi i policisë
Pas marrjes së njoftimit, rreth orës 13:00, se në ambientet e jashtme të një lokali, në lagjen “28 Nëntori”, Elbasan, një shtetas kishte tentuar të vriste me armë zjarri shtetasin E. K., 50 vjeç, shërbimet e Policisë organizuan punën për identifikimin dhe kapjen e autorit.
Falë reagimit të menjëhershëm të Policisë dhe veprimeve profesionale të kryera në kuadër të operacionit “Reagimi”, u bë i mundur identifikimi dhe kapja e autorit të dyshuar, shtetasit P. B., 52 vjeç.
Njëkohësisht, shërbimet e Policisë gjetën dhe sekuestruan, në cilësinë e provës materiale, armën e zjarrit pistoletë me të cilën autori tentoi të vriste 50-vjeçarin.
Nën drejtimin e Prokurorisë, vijojnë veprimet hetimore dhe procedurale për sqarimin e rrethanave dhe dokumentimin e plotë ligjor të rastit.
-
Hajde alboniston hajde
Përgjigju -
Ne e leme mbrapa meksiken! Ata jane te mbaruar! Ne te fikim ne pazar! Dhe ky i gjori kushedi si e ka patur hallin dhe shkoi ta vriste por nuk ndodhi! Jetegjati nuk behet jeteshkurter. Po si popull ne ja kalojme meksikes!
Përgjigju -
admiroj qetesine e zonjes
Përgjigju-
Dmth qe kjo zonja ishte ne dijeni. Me pak fjale bashkepuntore
-
Lajme të tjera
-
Shembet dhe del jashtë shtratit kanali vaditës, hapet pas disa orësh qarkullimi në rrugën Elbasan-Cërrik
15 Gusht, 13:20 -
Banorët denoncuan bllokimin, IKMT liron burimin dhe kanalin e ujitjes së tokave në Mirakë të Librazhdit
14 Gusht, 11:49 -
Lufta me flakët edhe për faunën, arusha me këlyshin e saj fotografohet në Elbasan
13 Gusht, 20:12 -
14 vatra zjarri aktive në Shqipëri, Ministria e Mbrojtjes: Situatë e rënduar në Gurë-Lurë të Dibrës dhe Elbasan! Flakët në ‘kurorën’ e Tiranës vihen nën kontroll
13 Gusht, 18:44 -
Zjarr në fshatin Lugaxhi të Elbasanit, i afrohet zonave të banuara (VIDEO)
13 Gusht, 14:51 -
Me pistoletë në çantë, arrestohet 21-vjeçari në Elbasan
13 Gusht, 13:58 -
Klasa të reja, laboratorë dhe terrene sportive, si po transformohet shkolla 'Mehmet Bajraktari' në Cërrik
13 Gusht, 13:55 -
Kamioni përplaset me autobusin me pasagjerë në aksin Elbasan–Peqin, nuk ka të lënduar (VIDEO)
11 Gusht, 13:13 -
Korridori VIII/ Banorët e Librazhdit protestojnë: Na është rritur distanca, duam hyrje të re në ‘Elbasan-Qafë Thanë’
10 Gusht, 16:58
-
Autostrada Elbasan-Rrogozhinë, ARRSH sqaron hyrje-daljen në Papër: Nyja lidhëse është pjesë e projektit, por do të ndërtohet më vonë
10 Gusht, 16:13 -
Refuzohet kërkesa e Ardian Çapjas për t’i dhënë lamtumirën nënës së ndjerë! Burime: Policia nuk mori përsipër sigurinë
10 Gusht, 13:49
-
Dogji 3 makina, arrestohet 43-vjeçari në Elbasan! Në pranga edhe një tjetër, u kap me pistoletë, fishekë e kokainë
8 Gusht, 11:15
Komente
Komento