U gjobit 100 mijë paund nga trafikantët pasi djali i tij u 'arratis' nga ‘shtëpia e barit’ në Britani, biznesmeni Ben Pjetri: Unë ha plumbin në gjoks e nuk paguaj

U gjobit 100 mijë paund nga trafikantët pasi djali i tij u 'arratis' nga ‘shtëpia e barit’ në Britani, biznesmeni Ben Pjetri: Unë ha plumbin në gjoks e nuk paguaj

Foto ilustruese

Kalvin Pjetri u largua nga Shqipëria në dhjetor 2020 drejt Britanisë së Madhe që të shërbente në rritjen e hashashit, por sapo mbërriti atje, i riu u arratis dhe anëtarë të dyshuar të grupit në Shqipëri të gjobisin dhe kërcënojnë me jetë të atin e tij në Shqipëri, se do e vrasin nëse nuk u jep paratë. Grupi që merret me hashashin i ka vënë biznesmenit Ben Pjetri, babait të Klavin Pejtrit, gjobë prej 100 mijë paund, pasi pretendon se i është shkaktuar dëm financiar meqenëse djali tij braktisi ‘shtëpinë e hashashit’ në Britaninë e Madhe. Në lidhje me ngjarjen autoritetet në Shqipëri po vijojnë hetimet, ndërsa biznesmeni Ben Pjetri, një shqiptar me pasaportë australiane, shprehet në një intervistë për Top Channel se ai nuk e paguan gjobën prej 100 mijë paund dhe se nuk është frikacakë dhe trembet nga disa ‘picirrukë’ edhe sikur ta vrasin.

“Vijnë me dashje se mendojnë që jam biznesmen, i majshin në Shqipëri biznesmenët që qenkan frikacakë. Unë nuk paguaj, unë nuk jam frikacak! unë ha plumbin në gjoks. Se s’ka shet, se më bën me pas shtet i njof unë këta trima. Kam ik prej Shqipnisë 13 vjeç. Jam arratis kam lënë Enver Hoxhën , jam djalë trim unë nuk paguaj, jetën ma hekni, lekë nuk paguaj. Merreni vesh të tënë , krejt ca jeni kriminela, tanë që veni gjoba asnjë qindarkë! asnjë qindarkë, jetën po! Nuk ruhem për ndër të familjes më vrisni kur të doni”, tha Ben Pjetri.

Ben Pjetri tha se djali i tij Kalvin Pjetri ra në kontakte me trafikantët kur mbërriti në Britaninë e Madhe. Ai shprehet se pasi djali i kishte thënë se ishte djalë biznesmeni, ata e kishin përfshirë në punë të pista. Sipas tij ai i kishte thënë djalit të mos e pranonte dhe të largohej dhe pas largimit kanë nisur dhe kërcënimet ndaj biznesmenit në telefon.

“Djali më tha bab unë jam duke la disa makina , tu punu. Duke la makina me këta , këta i kanë thënë ti qenke djal miliarderi, se ai shkon i difton të tëra, jam djal i Benit, asht krenar për mu. Dhe ata i kanë thënë, okej ti s’qenke për këtë punë, qenke djal i llastum, hajde bëj këtë punën tjetër. ka shkuar, ka pranu. Po e bëj sa lekë marr, i kanë thënë merr kaq lekë pas 3 muajsh mëson vetë e jeton rehat. Se unë i thashë jo bab hajde në shpi plzzz, mos e bëj këtë punë se kapesh. leri këto histori që të kanë thënë bukuritë ata. Po 2-3 ditë ma bëri kështu, aty s’kishte shtrat. Ata s’donin me i dhënë bukë i thoshin, i thoshin ke 300 paund në muaj dhe ti mos me u pa me ne. S’kë të drejtë me hap derën para , s’ke të drejtë me hap derën mbarë. Kushte jo njerëzore. Mirë që ka qenë duke punuar ilegalisht, po e kdihin intimidu, mos guxo me dalë se të vrasim, mos guxo. Trajtim çnjerëzor. I thashë bab ec, edhe pranoi , iku. Atëherë më ka plas telefoni, 3-4 ditë që ka ik djali që unë e dija”, tha biznesmeni.

Çështja po hetohet për gjobëvënie dhe kërcënim për jetën të Ben Pjetrit , i cili shprehet se i kërkuan 100 mijë paund dhe se e kanë paralajmëruar se do ta vrasin kudo që ai të fshihet. Sipas deklarimeve janë kontaktuar tre shqiptarë me inicialet S.C, M. H dhe A.D në Tiranë për të kanosur 47-vjeçarin, por nuk janë arrestuar ende.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Elton: 04/05/2021 00:25

    Ti thua kshu,motra e atyre djem e tregonte ndryshe historin...zoti e bëft mir

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit