POP 5

Lajmet më të lexuara të 5 minutave të fundit

Kronikë

Lezhë/ U kap i dehur në timon, 41-vjeçari i drejton pistoletën policisë që mos ta arrestojnë! Vihet në pranga

Një 41-vjeçar është arrestuar nga policia e Lezhës, pasi i drejtoi pistoletën efektivëve të policisë. 41-vjeçari rezultoi i dehur, ndërsa në momentin që e ndaluan efektivët, për t’iu shmangur arrestimit iu drejtoi pistoletën të cilën e kishte me fishek në fole

Lezhë/ U kap i dehur në timon, 41-vjeçari i drejton pistoletën policisë që mos ta arrestojnë! Vihet në pranga

Arma e sekuestruar

LEZHË- Policia e Lezhës ka vënë në pranga Luan Zabatën 41-vjeç, pasi gjatë ndalimit nga efektivët për një kontroll, për të shmangur arrestimin e tij u ka nxjerrë pistoletën efektivëve.

Policia ka ndaluar gjatë një kontrolli në Shëngjin, 41-vjeçarin banues në Shkodër, për të cilin ka kërkuar që t’i kryhet testi i alkoolit për shkak të sjelljeve të tij të çuditshme. Në atë moment, ai ka kundërshtuar kryerjen e veprimeve procedurale duke nxjerrë një armë zjarri që mbante me vete dhe ua ka drejtuar punonjësve të Policisë, me qëllim që të largohej dhe të shmangte arrestimin. 

‘Ndërhyrja e menjëhershme dhe profesionale e shërbimeve të Policisë, ka bërë të mundur neutralizimin e menjëhershëm të shtetasit L. Z., i cili pas kryerjes së testit të alkoolit, ka rezultuar në gjendje të dehur, në masën 1.395 mg/l. Në cilësinë e provës materiale u sekuestrua arma e zjarrit pistoletë me fishekë në fole, e gatshme për qitje, që mbahej pa leje nga ky shtetas.’- njofton policia.

Luan Zabata u arrestua për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kundërshtimi i punonjësit të policisë së rendit publik” dhe “Drejtimi i automjeteve në mënyrë të parregullt”.

Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46