U kap me 13 pako kokainë, pas dënimit shqiptari rrezikon deportimin nga Anglia (Emri)

Një emigrantë shqiptar ilegal që u ndalua nga policia për shitje kokaine është burgosur dhe rrezikon deportimin nga Anglia.

Sipas mediave të huaja, shqiptari Flamur Lamaj doli para Gjykatës së Kurorës së Northampton mëngjesin e së premtes (23 gusht) duke pranuar akuzat.

Gjykata dëgjoi se ai u ndalua në The Headlands, Northampton më 12 korrik të këtij viti dhe policia gjeti 13 pako kokaine, 50 £ cash dhe mesazhe telefonike që e lidhnin atë me tregtinë e organizuar të kokainës.

Gjykata dëgjoi se ai nuk kishte dënime të mëparshme në Mbretërinë e Bashkuar, por policia nuk ishte në gjendje të përcaktonte nëse ai kishte një precedent penal në vendin e tij.

Nëse Lamaj do të dënohet me më shumë se 12 muaj burg, atëherë Sekretari i Shtetit do të urdhëronte dëbimin e tij pasi të kishte kryer dënimin e tij me burg.

21-vjeçari nuk ka adresë në Mbretërinë e Bashkuar, i ka dhënë policisë një emër të rremë, nuk kishte leje të qëndronte apo të punonte dhe autoritetet nuk kishin asnjë gjurmë të tij. Ai u tha oficerëve se i jepnin 500 £ në javë për të trafikuar drogë.

 

S.B/Shqiptarja.com

TAG:
• Flamur Lamaj
• angli
• shqiptar
• kokaine