POP 5

Lajmet më të lexuara të 5 minutave të fundit

Kronikë

Përgjimi për eksplozivin zbuloi drogën! 'Çantat i solla'! Vëllai i ish-shefit të Rrugores: Hajde merri eurot në Tiranë (Përgjimet)

Gjykata e Tiranës lë në burg vëllanë e ish shefit të qarkullimit rrugor në Dibër, Pajtim Aga dhe 6 të arrestuarit e tjerë, që u kapën me kanabis pak ditë më parë në një operacion në disa qytete. Dalin detaje të reja si u zbulua grupi. Nga shtatë të arrestuarit, Shkëlzen Mazari ka pranuar akuzat duke thënë s "droga është e imja". Operacioni u zhvillua në disa qytete, ndërsa njëri prej të arrestuarve u kap në autobus.

Gjykata e Tiranës la në burg pa afat vëllanë e ish-shefit të qarkullimit Rrugor në Dibër, Pajtim Aga dhe 6 të arrestuarit e tjerë, që u kapën me kanabis pak ditë më parë në një operacion në disa qytete. Nga shtatë të arrestuarit, Shkëlzen Mazari ka pranuar akuzat duke thënë s "droga është e imja". Por si u zbulua grupi dhe cilat janë përgjimet që 'gozhdojnë' trafikantët? Gjithçka ka nisur nga Pajtim Aga, që u vendos në hetim vitin e kaluar si i dyshuar në lidhje me një shpërthim eksplozivi në Dibër, por më pas nga përgjimet është zbuluar trafiku i drogës. Por si bëhej ai? Pasi transportohej nga Greqia, lënda narkotike në formë çokollate fshihej në shtëpinë e Paulin Dodajt dhe Marsida Piperit në Gjirokastër, që bashkëjetonin. Në një nga telefonatat, njëri nga anëtarët e grupit i thotë Pajtim Agës se "çantat i lashë atje, kur mund të vij të marr 200 euro?" duke nënkuptuar trafikun. Ndërsa Pajtim Aga i thotë se "Hajde merri lekët në Tiranë". Operacioni u zhvillua në disa qytete, ndërsa njëri prej të arrestuarve shpërndante drogën u kap në autobus, raporton gazetarja Xhensila Kodra.

Gjykata la në burg;
Edmond Rajta
Pajtim Aga
Shkëlzen Mazari
Devis Mija
Fatjon (Paulin) Dodaj
Marsida Piperi
Arjet Halilaj

Prokurori Robert Kote është shprehur se është pikërisht përgjimi prova më e fortë dhe procesverbali i lëndës narkotike prej 32.5 kg kanabis në formë çokollate. Pajtim Aga është vëllai i ish-shefit të qarkullimit në Dibër, Robert Aga, emri i të cilit doli pak kohë më parë në përgjimet e gazetës gjermane “BILD”.  Robert Aga u shkarkua nga detyra pas arrestimit të të vëllait. Pajtim Aga është pjesë e grupit me 7 të arrestuar që u godit. Ata merrnin lëndë narkotike të llojit “Cannabis sativa në formë çokollate” në Greqi dhe e sillnin në Shqipëri përmes pikë kufitare të Konispolit, nëpërmjet dy personave në Gjirokastër. Me pas lënda narkotike transportohej në qytetin e Tiranës, me qëllim për t'u nisur më vonë në një qytet në veri të vendit dhe për t'u trafikuar jashtë Shqipërisë. Gjatë operacionit u sekuestruan 32.5 kg lëndë narkotike canabisa sativa në formë çokollate, 6 aparate celulare dhe 2 automjete.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Meta nga burgu: Arsimi pa fonde shtesë, papërgjegjshmëri

Meta nga burgu: Arsimi pa fonde shtesë, papërgjegjshmëri

26 Dhjetor, 20:07