POP 5

Lajmet më të lexuara të 5 minutave të fundit

Kronikë

U kapën me mbi 300 kg kokainë, lihen në burg 3 të arrestuarit në Selanik! Dy shqiptarët pronarë të një hoteli mohojnë përfshirjen

Tre personat e arrestuar, dy shqiptarë dhe një kroat dy ditë më parë pasi u kapën me mbi 300 kg kokainë, janë lënë në burg nga ana e gjykatës së Selanikut deri në përfundimin e hetimeve

U kapën me mbi 300 kg kokainë, lihen në burg 3 të arrestuarit në Selanik! Dy shqiptarët pronarë të një hoteli mohojnë përfshirjen

Tre personat e arrestuar, dy shqiptarë dhe një kroat dy ditë më parë pasi u kapën me mbi 300 kg kokainë, janë lënë në burg nga ana e gjykatës së Selanikut deri në përfundimin e hetimeve

Në gjykatë shqiptarët mohuan përfshirjen në këtë çështje. Mediat greke raportojnë se shqiptarët kanë në pronësi një hotel në Rodos dhe udhëtuan në Selanik për të blerë pajisje për biznesin e tyre.

Ndërsa shtetasi kroat, pranoi akuzat që rëndonin mbi të. Ndërkohë policia greke është në kërkim të një personi të katërt, një 33-vjeçar kroat.

Operacioni policor u krye pas informacionit nga DEA për mbërritjen në Evropë të një kontenieri me një sasi të madhe kokainë, me shumë gjasa nga Amerika Latine.

Nga aksioni janë sekuestruar 300 kg kokainë dhe janë arrestuar tre shtetas, shqiptarë dhe kroatë, të cilët ishin dhe anëtarët kryesorë të bandës.

Mediat greke shkruajnë se dy shqiptarët (njëri me pasaportë greke) ishin aktivë në bizneset hoteliere në Rodos. Goditja e grupit është bërë nga oficerë të policisë të Nëndrejtorisë së Prokurorisë së Drogës në Selanik, në bashkëpunim me shërbimin amerikan DEA.

Sipas policisë greke, anëtarët e kësaj bande kanë furnizuar me kokainë të gjithë ishujt grekë. Ndërkohë, vijon operacioni për kapjen e personave të tjerë të përfshirë në këtë rrjet të trafikut të kokainës.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi