Belinda Balluku mund të përsërisë veprën penale për të cilën tashmë është e pandehur dhe të prishë edhe provat dhe si rrjedhojë, nuk mund të qëndrojë në detyrë. Më këtë argument, gjyqtari i posaçëm, Erjon Çela, argumenton caktimin e masës pezullim nga detyra për zv. Kryeministres dhe ministres së Infrastrukturës dhe Energjisë, vendim të cilin Report Tv e ka siguruar.
"Në rastin konkret për shkak të rrethanave të faktit dhe personalitetit të të pandehurve të sipërcituar, duke qenë në ushtrimin e funksioneve respektive të tyre për shkak të detyrës, ekziston rreziku që ata të kryejnë krime të të njëjtit lloj me atë për të cilin po procedohen, kjo lidhur me rrethanat e veprimeve të kundraligjshme të të pandehurve në disa procedura prokurimi, si dhe nisur nga fakti se të pandehurit menaxhojnë në vazhdim fondet publike për investimet publike të tjera të parashikuara për Institucionet Qëndrore që ata drejtojnë", thuhet në vendimin e GJKKO.
Gjykata argumenton edhe për ndalimin e daljes jashtë shtetit, ku sipas saj ka rrezik për largim, dhe këtë e mbështet në marzhin që parashikon vepra si dënim, nga 1 deri në 5 vjet burg.
"Gjykata vlerëson se, në rastin konkret ekziston rreziku i largimit të të pandehurve të sipërcituar, nisur nga sanksioni dhe marzhi i lartë që parashikon ligji për veprën penale që ata dyshohen, konkretisht nga një deri në pesë vjet burgim për veprën penale të parashikuar nga neni 258 i K.Penal, duke marrë parasysh rrethanën se të pandehurit dyshohen për këtë vepër penale të kryer dy herë dhe në bashkëpunim"
Për shkak të postit që Balluku dhe 2 vartësit e saj kanë, GJKKO thotë se rreziku për prishjen e provave është i madh, deri në vështirësi të mbledhjes së tyre nga SPAK.
"Ekzistojnë shkaqe të rëndësishme që vënë në rrezik marrjen ose vërtetësinë e provës në funksion të hetimit të kësaj çështjeje. pasi për shkak të detyrës që ushtron e pandehura Belinda Balluku. (aktualisht me funksionet e larta shtetërore, Zv. Kryeministër i Republikës së Shqipërisë dhe Ministër i Energjisë dhe Infrastrukturës). por dhe të pandehurit e tjerë Gentian Gjyli, (aktualisht me detyrën e Drejtorit të Përgjithshëm të Autoritetit Rrugor Shqiptar), Frald Elezi, (me detyrën e Administratorit të Koorporates Elektroenergjitike Shqiptare SH.A). ekziston mundësia që ata të mund të ndërhyjnë dhe të ndikojnë në prishjen ose asgjësimin e provave, në krijimin e rrethanave që vështirësojnë mbledhjen e provave, kjo nisur nga fakti që organi procedues po verifikon çdo dokumentacion të administruar nga Institucionet", citohet në vendimin e GJKKO.
Nga e enjtja, Belinda Balluku nuk mund të ushtrojë më asnjë kompetencë si zv. Kryeministre dhe ministre e Infrastrukturës dhe Energjisë. Nesër në orë 09.00, zhvillohet seanca gjyqësore për masat e sigurisë ndaj saj dhe dy vartësve.
Me këtë vendim të GJKKO, Balluku është pezulluar nga detyra, pasi është marrë e pandehur për ndërtimin me vlerë 190 milionë euro të tunelit të Llogarasë dhe dyshohet edhe për tenderin 21 milionë euro të ndërtimit të lotit 4 të Unazës së Madhe të Tiranës. Kërkesa u bë nga prokurori Dritan Prençi, dhe pas pranimit nga gjykata, Ballukut i është marrë pasaporta, duke e ndaluar të lëvizë jashtë vendit.
Përveç nr.2 të qeverisë GJKKO caktoi “arrest në shtëpi” për bashkëpunëtorët, kreun e ARRSH-së, Gentian Gjyli dhe Erald Elezit, drejtor i KESH. Për të dy tenderat, me vlerë totale 210 milionë euro, SPAK thotë se Balluku paracaktoi fituesin përmes mbikëqyrjes dhe ndërhyrjes në vazhdimësi gjatë gjithë procesit të zhvillimit të garës.
Gjykata kundër krimit dhe korrupsionit, GJKKO, ka bërë një arsyetim të thelluar për vendosjen e masave shtrënguese ndaj zëvendëskryeministres Belinda Balluku.
Sipas Gazetës Tema, Gjykata pretendon se masa e pezullimit nga detyra e zv.kryeministres dhe ministres së Infrastrukturës dhe Energjisë nuk pengohet nga neni 242 i Kodit të Procedurës Penale.
Gjykata çmon të theksojë se caktimi i këtyre masave të sigurimit personal nuk e pengojnë të pandehurën Belinda Balluku që të ushtrojë funksionet e saj si deputete e zgjedhur në Kuvendin e Shqipërisë.
Burime për gazetaren e Report Tv, Keti Banushi kanë bërë me dije se përveç masave të sigurisë të shpallura ditën e djeshme për Belinda Ballukun, Gentian Gjylin dhe Erald Elezin, GJKKO ka miratuar dhe 28 leje për kontrolle personale.
Në kontrolle janë përfshirë banesa, dokumente, laptopë e celularë, ndërsa ende nuk dihet se në pronësi të kujt janë ekzaktësisht subjektet e kontrolluara. Këto kontrolle janë zbatuar gjithashtu ditën e djeshme.
Gjykata e Posaçme Kundër Korrupsionit dhe Krimit të Organizuar (GJKKO) ka caktuar ditën e nesërme (22 nëntor) ora 09:00 për zhvillimin e seancës gjyqësore për marrjen në pyetje të Belinda Ballukut, Gentian Gjylit dhe Erald Elezit, si dhe për verifikim të masave të sigurisë.
“Përshëndetje të gjithëve!
Ju njoftojmë se pranë Gjykatës së Posaçme të Shkallës së Parë për Korruspionin dhe Krimin e Organizuar me datë 22.11.2025, ora 09:00 do të zhvillohet seanca gjyqësore për marrjen në pyetje dhe verifikimin e kushteve dhe kritereve të caktimit të masës dhe nevojat e sigurimit për të pandehurit Belinda Balluku, Gentian Gjyli dhe Erald Elezi, në kuadër të procedimit penal nr. 136, të vitit 2025, të Prokurorisë së Posaçme kundër Korrupsionit dhe Krimit të Organizuar”, thuhet në njoftim.
Belinda Ballukut, iu komunikuan ditën e djeshme dy masat e sigurisë, ‘pezullim nga ushtrimi i funksioneve publike’ pra si zv.kryeministre dhe ministre e Infrastrukturës dhe Energjisë dhe ‘ndalimi i daljes jashtë vendi’. Balluku si ministre akuzohet për veprën penale ‘shkelje e barazisë në tendera’ lidhur me ndërtimin e tunelit të Llogarasë ndërsa nën hetim është vënë dhe për ndërtimin e Unazës së Madhe, Loti 4.
Ndërkohë për kreun e ARRSH-së Gentian Gjylin dhe drejtorin e KESH Erald Elezi, GJKKO u komunikoi masën ‘arrest shtëpie’. Këto masa janë vendosur me arsyetimin se ekziston rreziku se këta persona mund të prishin provat hetimore.
Çështja “Balluku” përplasi palët edhe në komisionet parlamentare. Në atë për “Nismat Qytetare”, PD tha se Balluku është e korruptuar ndaj duhet të japë dorëheqjen, por drejtësia duhet të hetojë edhe Ramën. Replikën ia dha Fatmir Xhafaj që akuzoi PD për mbajtjen e dy standardeve ndaj SPAK.
Kaso: jemi në një situatë të rëndësishme, nr.2 i qeverisë ka masë sigurimi personal, vendimmarrje e rëndësishme që duhet të marrë vëmendjen e duhur, një person kaq i korruptuar nuk jep dorëheqjen, nuk kënaq pritshmërinë e opozitës sepse duhet të merret i pandehur Rama, nuk ka mundësi që një vjedhje e tillë të bëhet pa dijeninë e tij
Xhafaj: jemi këtu për ta mbështetur drejtësinë, pozitive që thoni SPAK, jo SKAP, drejtësia është aty për të bërë punën e vet, edhe pse në disa raste mund të mos na pëlqejë e mund të kemi rezerva, jemi të detyruar ta pranojmë. por ju nuk duhet të luani me dy standarde.
Pas vendimit të GJKKO-së për pezullimin e Belinda Ballukut nga detyra, Report Tv ka zbuluar edhe lëvizjet që po diskutohen si hapa të mëtejshëm që mund të ndjekë qeveria.
Burime thonë se Kryeministri Edi Rama mund të emërojë një zv.kryeministër të ri, pa e shkarkuar nga ky pozicion Belinda Ballukun e cila vijon të jetë e pezulluar me vendim të GJKKO-së nga detyra si zv.kryeministre dhe ministre e Infrastrukturës.
Në këtë mënyrë, Balluku nuk do të kishte të drejtë firme, ndërkohë që vendimi i pezullimit të saj nga ana e Gjykatës së Posaçme do të dërgohet direkt në Gjykatë Kushtetutese.
Me vendim të GJKKO-së Ballukut i është ndaluar edhe dalja jashtë shtetit dhe i është bllokuar pasaporta. Balluku me vartësit akuzohen se kanë paracaktuar fituesit në dy tenderë me vlerë 210 mln euro, atë të Tunelit të Llogarasë 190 mln euro dhe loti 4 i Unazës së Madhe 20 mln euro. GJKKO ka caktuar edhe arrest shtëpie për kreun e ARRSH-së, Gentian Gjyli dhe Erald Elezin, aktualisht drejtor i KESH.
Komente
Lajme të tjera
-
‘Balluku’/ Kushtetuesja vendos nesër kalimin apo jo për shqyrtim të ankimimit të Qeverisë! Gjyqtarja Miliana Muça do ta shqyrtojë në Apelin e GJKKO-së
11 Dhjetor, 15:49 -
Nesër seancë maratonë, kalon buxheti 2026, PD 60 amendamente! Berisha pendohet: Gabim firmat për Avokatin e Popullit
10 Dhjetor, 14:24
-
Përplasja e Ramës me Shoqatën e Gjyqtarëve për Ballukun, Berisha: Po i ushtron presion Gjykatës Kushtetuese, do e kishte zili edhe Maduro
10 Dhjetor, 13:22 -
Protesta përpara kryeministrisë, Lapaj për Report Tv: Rinia është drejt një dëmtimi të pakthyeshëm! Jemi këtu 20 orë pa ndalim, Rama të hapë krahun!
9 Dhjetor, 18:30 -
Lëvizja Bashkë të enjten protestë përpara Kuvendit, Arlind Qori për Report Tv: Kërkojmë shkarkimin e Ramës dhe të Ballukut! E vetmja parti me integritet
9 Dhjetor, 17:53 -
Çështja Balluku / Berisha akuza Ramës: Po i ushtron presion Gjykatës Kushtetuese, po lufton që të mbrojë veten
9 Dhjetor, 13:07 -
Proteston para kryeministrisë, Lapaj për Report TV: Asnjë parti s’mund ta rrëzojë qeverinë, kam veshur sërish xhupin e aktivistit për të mobilizuar qytetarët (VIDEO)
9 Dhjetor, 12:09 -
Mbledhja e grupit të PS, ministri Gogu: Për Ballukun qeveria do bëjë atë që do vendosë ‘Kushtetuesja’! Veprimet e Salianjit të lavdërueshme
9 Dhjetor, 11:35 -
Presion për 'Ballukun'? Rama- Shoqatës së Gjyqtarëve: S'jeni ankuar për ca të tjerë që u këndojnë librin e shtëpisë! Në 10 vite kam luftuar për ju, jo me ju
9 Dhjetor, 10:39 -
Dosja 'ARRSH', GJKKO kalon për gjykim ish-drejtorin Evis Berberi dhe të pandehurit e tjerë
9 Dhjetor, 09:54
-
Deklaratat për 'Ballukun', Shoqata e Gjyqtarëve: Nën petkun e ankesës, fshihet presioni! Rama: Jam palë, gaboni nëse prisni që të mbyll gojën
9 Dhjetor, 09:14 -
I ulur në një karrige, Lapaj nis protestën i vetëm para Kryeministrisë: Rama po sulmon Kushtetuesen, do rri ditë e natë këtu (VIDEO)
8 Dhjetor, 22:47
/MARA/,ju duhet te jeni ndonje besnike e verber partie,sepse jane po keta prokurore,po ky SPAK, qe ju i quani si puciste shteti,etj,etj, qe do te denojne dhe Berishen qe ju keni treguar ne komente se sa mezi po prisni qe te dale para drejtesise.Veprimet e prokuroreve jane te arsyetuara,bile nuk mjaftojne po te kujtoni rastin e Ajola Xoxes e Klotilda Bushkes per ceshtjen /Veliaj-Xoxa/ qe u perpoqen te intimidonin deshmimtaret,i kerkuan njeres prej tyre dhe te fshinte mesazhet e i morren e i zhduken celularin e i sollen nje te ri,per te mos harruar rastet Llalla e Ahmetaj qe /fluturuan/ per ceshtjet e tyre me drejtesine.Pra veprimet e prokuroreve jane te justifikuara.Sa per ate qe shume nga ju komentues jeni te zhgenjyer per 5 vjet burg qe ka shume mundesi te dhjetohen,desha t'ju ngushelloj pak me nje shembull:kur sen.Bob Menendez u denua nga U.S me 11 vjet per korrupsion e rryshfet,atehere denimet me 5 vjet per cfare akuzohen keta, nga nje vend si Shqiperia qe dihet sa pak denon shume vrases,jane nje denim shume i rende.
PërgjigjuSi duket problemi me I madh eshte qe Rama ska ke caktoje te hedhe firmen per te si Kryeminister. Nese Ahmetaj dhe Balluku denohen, do kete dy vendime penale si prove demokletiane qe minimumi Rama yne ka shperdoruar rende detyren. Besoj qe pasi shkaterroi PS dhe instaloi neoenverizmin kriminal Dosh-Frrokjan tashme nen projektin Sorrosian me ca mbeturina ish jugosllave do te zbatoje planin e “perteritjes “ se PS, pra te same spostimit te aktualeve te krimbur ne para korrupsioni e droge, me gjeneraten alla psh Ypi & co.
5 vjet? Si mund te denohet njeriu kaq pak per vjedhje, nderkohe qe per parkim dysh merr 3 vjet. Cfare drejtesie eshte kjo?
Përgjigjuvendimet duhet te jene ne perpjestim me demin. Pra nje pjese minimale per shperdorimin e detyres po themi 5 vjet, dhe pastaj dinamike ne baze te demit qe ka bere. Biles nese ajo i kthen leket dhe denimi mund te ulet, cdo 1 milion eur i faktuar dem 1 vit burg, dhe nese ajo i kthen apo i gjen ska rendesi se si ato vite i ulen.
PërgjigjuOre sinqerisht, i lexova ato pergjimet whatsapp me vartesint, ato qe jane publike. Nuk kam asnje interes te mbrroj ballukun apo kushdo qofte, as dhe me intereson. Po veshtire se gjeta nje detaj se ku balluku ka kryer vepren penale, mund te akuzohet per fjalor vulgar, jo profesionalizem, jo kompetente per rolin, shpedorim detyre nga mos profesjonalizmi...por asnje nga keto seshte penale, ne asnje vend te planetit. Mund te akuzohet Rama per cilesine e vartesve. I njof administratat publike jashte Shqiperise dhe ju siguroj qe nese i njeti meter gjykimi apo hetimi do aplikohej gjysma e administrates publike planetare do ishte ne qeli....bazohem ne ato qe degjoj dhe qe eshte publike
PërgjigjuTi qe thua njeh dhe administrator jashte, te duket Normale qe vendos me mesazhe kushbdo e marre tenderin. Ne boten demokratike, nuk ka shanc nje titular te nderhyje ne processing e tenderimit. Pastaj, gjuha vulgare pak te duket? Ne vende demokratike japin doreheqje per nje fjale qe mund te konsiderohet e padenje. Ne demokraci, kur akuzohesh si punetor publik, jep menjehere doreheqjen per te mos demtuar integritetin e institucionit publik. Nese je e paster, rikthehesh ne politike e paster dhe me e forte. Na cudite me standarted, ndoshta i ke ne Iran ose Kore te Veriut, se ne vend demokratik jo
Mund te denohet deri ne 5 vjet thone. Po pse kaq pak, nese duan te luftojne korrupsionin te thone minimumi 20 vjet e atehere shikoje, vjedh me njeri apo jo. Ja e marrim te mireqen 5 vjet me gjykim te shkurtuar 2.5, ja dhe 1 vit ulje se eshte grua, jo dhe nja 5 muaj per sjellje te mire, jo dhe ca muaj ulje se nuk kemi kushtet e duhura per ta mbajtur brenda, ben sben 1 muaj burg per sa ka vjedhur
PërgjigjuUne kerkoj kete post nga zoti kryeminister. Te me bej mua minister se do vjedhim bashk i luajm fene dhe i mbaj te gjitha persiper. Bej dhe burgun dhe vazhdoj bej fushate ne burg per ty. O ed rama me be minister. Ti ben lali tenderat si te doj rrocka ty
Tan tu vjell, si ka me ec para populli dhe shqipnija
PërgjigjuAs mish, as peshk ! Morali politik e do nje shkarkim ose doreheqje ! Asnjera nga keto nuk ndodhi. Keto duhet ta kuptojn qe pushteti te konsumon dhe duhet te larhohesh se asgje nuk eshte personale individuale ne shtet. Keputini tentakulat e shtriges qe te shpetoje shqiperia. As qe diskutohet qe gjykata sdo i japi te drejte shtriges.
Përgjigjunese ajo iken dhe rri 7 ore ne kryeministri sic beri dje gjyqtari qe ka dhene masen nuk ka qullur gje. nese vertete do te ishin serioze duhej masa arrest shtepie, minimalisht.
PërgjigjuDrejtesia ka bere puç shtetit me vendimin e mare .Jemi qeveri parlamentare dhe jo qeveri prokuroresh , me keto vendime prokuroret i pret burgu se po sabotojne reformen , kush eshte me integritet e kupton lojen e prokuroreve te spakut .kush eshte trap ben lojen e tyre .