POP 5

Lajmet më të lexuara të 5 minutave të fundit

Sociale

U raportua i vdekur se 'kështu ishin punë e partisë'/ Si u zhduk Conbashi, partizani i luftës?

Todi ishte fëmija i madh i familjes Conbashi. Buqi e Nauka ishin prindër të 7 djemve dhe dy vajzave. Ishin vite të vështira asokohe kur Todi me të vëllanë, Sokratin vendosin që të bëhen pjesë e Luftës Antifashiste Nacional-Çlirimtare.

Todi ishte fëmija i madh i familjes Conbashi. Buqi e Nauka ishin prindër të 7 djemve dhe dy vajzave. Ishin vite të vështira asokohe kur Todi me të vëllanë, Sokratin vendosin që të bëhen pjesë e Luftës Antifashiste Nacional-Çlirimtare. Todi ishte 24-vjeç dhe iu bashkua brigadës së 5-të kurse Sokrati 20-vjeç iu bashkua brigadës së tretë në grupin e Mallakastrës. Todi shpëtoi dhe doli nga lufta i plagosur dy herë, ndërsa i vëllai Sokrati humbi jetën, pasi nuk mundi t'i mbijetojë plagëve që mori. Me të mbaruar lufta, Todin e transferojnë në Tiranë, ndërsa i vëllai Sokrati ndërroi jetë në vitin 1946. Todi kishte ndërtuar një jetë në Tiranën e sapo dalë nga lufta, pas çlirimit të saj, ndërsa edhe vetë qyteti ishte në ndërtim e sipër. 24 vjeçari asokohe kishte marrë një shtëpi të madhe dhe qëllimi i tij ishte të merrte familjen e tij me vete. Bisedon me babanë dhe i tregon  mbi vendimin që kishte marrë. Kur dukej se gjërat po shkonin siç duhej, në vitin 1950 në familjen Conbashi në Fier vjen një telegram ku shkruhej se:Todi ka ndërruar jetë

Familja tronditet nga ky lajm, pasi dy ditë më parë ata kishin biseduar lidhur me transferimin e tyre drejt kryeqytetit, aty dhe ku jetonte Todi.

Në vitin 1983 Thomai, vëllai i vogël i Todit  i shkruan një letër  Komitetit Qendror në atë kohë, në kërkim të vëllait të humbur. Por përgjigja ishte: Se këto janë punët e partisë

Vitet e fundit, pas ndryshimit të sistemit Thomai ka mundur të mësojë rreth disa dokumenteve që e lidhin vwllanw e tij me vitin 1970, duke i bërë të gjalla shpresat se Todi mund të ishte gjallë asokohe dhe se punonte për sigurimin e shtetit. Një tjetër fakt për familjen ishte edhe zbulimi i një certifikate, që daton në vitin 1952, dy vite pas telegramit që njoftonte vdekjen e Todi Conbashit, i cili nëse është në jetë është 94 vjeç. I vëllai kërkon të dijë nëse ka jetuar përgjatë këtyre viteve i vëllai i tij i madh Todi dhe a ka sot ai pasardhësit e tij, që e lidhin me rrënjët biologjike të familjes Conbashi.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Nju Jork, i vuri flakën një gruaje në metro, 33 vjeçari nën akuzë për vrasje e zjarrvënie

Nju Jork, i vuri flakën një gruaje në metro, 33 vjeçari nën akuzë për vrasje e zjarrvënie

27 Dhjetor, 21:08