VIDEOLAJM/ U shkëput kablloja nga teleferiku në Pakistan! 6 fëmijë dhe 2 të rritur mbetën të bllokuar, dërgohet një helikopter për t’i shpëtuar

 

Sipas zyrtarëve, gjashtë fëmijë dhe dy të rritur kanë mbetur të bllokuar në një teleferik që varet 1200 metra mbi një rajon malor në veriperëndim të Pakistanit, ku së fundmi është dërguar edhe një helikopter për t'i shpëtuar.

Fëmijët po përdornin teleferikun për të shkuar në shkollë e cila ndodhej në provincën e Khyber Pakhtunkhwa, kur një kabllo u shkëput në një rajon të largët malor.

Së fundmi, një prej personave të ngecur ka bërë një bisedë telefonike me një kanal televiziv në Pakistan.

"Për hir të Zotit na ndihmo", tha burri, i quajtur Gulfraz, për Geo News. 

Ai konfirmoi se ishin tetë persona në teleferik.

Ai tha se njëri nga studentët kishte humbur ndjenjat gjatë 3 orëve të fundit, duke shtuar se studentët në ishin të moshës nga 10-15 vjeç.

"Ata janë të tmerruar dhe po qajnë", tha Gulfaraz, duke u kërkuar autoriteteve të dërgojnë ndihmë të menjëhershme.

Lajmi kryesor:

VIDEO/ Pakistan, këputet kablloja! 6 fëmijë dhe 2 të rritur prej disa orësh të bllokuar në teleferik në 274 metra lartësi! Shpëtohen pas disa orësh

S.S/Shqiptarja.com

TAG:
• Pakistan