U shpall kampione në hedhje shtize për Greqinë, qytetarët presin Elina Xhengon në aeroportin e Selanikut! Prindërit të emocionuar (VIDEO)

Kampiona e Europës me origjinë shqiptare Elina Xhengo mbërriti në Selanik, qytetin ku jeton, ku u prit në mënyrë të ngrohtë nga shumë qytetarë. Kur mbërriti në aeroportin “Maqedonia”, Elina pa një grumbull të madh njerëzish, të afërm, tifozë, flamuj e lule ku u krijuar një atmosferë e veçantë.

 “Ju e bëtë ëndrrën time 100 herë më të bukur. Ia dedikoj këtë sukses të gjithë fëmijëve që arrijnë të ngjiten në majë duke kaluar shumë sakrifica. Falënderim për ata njerëz që vlerësojnë sakrificat dhe pengesat që të rinjtë kanë në jetë”, u shpreh kampionia.

Në aeroport, Elina u surprizua nga prania e vajzës motrës së saj në Santorini, dhe që udhëtoi për të takuar të motrën. Ajo dhe babai u shprehën të emocionuar për arritjen e Elinës që sot konsiderohet e ardhmja e atletikës helene. Por surpriza nuk u kufizua vetëm brenda aeroportit, pasi me të dalë në ajër të hapur, Elinën e prisnin akoma më shumë njerëz me duartrokitje dhe fishekzjarrë.

Elina Tzengko, (Zhengo) u shpall kampione e Europës në garën e hedhjes me shtizë për Greqinë. E lindur në Greqi nga prindër shqiptarë nga Korça, ajo cila dominoi garën e hedhjes së shtizës me hedhjen 65 metra e 81 centimetra në Mynih, duke fituar medaljen e artë.

 

D.GJ/KT/Shqiptarja.com

TAG:
• elina tzengko
• selanik
• Kampione Europe
• hedhje me shtize
• elina xhengo