TURQI - Pianisti dhe kompozitori i njohur turk Fazil Say është paraqitur sot përpara një gjykate në Stamboll, pasi akuzohet për blasfemi.

Say, i cili ka luajtur për Orkestrën Filarmonike të New Yourk-ut dhe me Orkestrën Simfonike të Berlinit, akuzohet për disa postime të tijat në rrjete sociale, mbi të gjitha për një postim gjatë muajit prill, ku tallej me një lutje.

Gjatë muajit qershor, prokurorët ngritën padi kundër Say për nxitje të urrejtjes publike dhe për fyerje të vlerave fetare.

Say, i cili ka shërbyer si ambasador i kulturës për Bashkimin Evropian, i ka mohuar akuzat e ngritura kundrejt tij dhe ka kërkuar që të lirohet nga këto akuza.

Gjykimi i tij është shtyrë deri më 18 shkurt dhe nëse shpallet fajtor ai rrezikon deri në 18 muaj burg.

(ed.ka/Shqiptarja.com)