'Udhëtim të mbarë Ema ime në skaj të universit', Kreta i dha lamtumirën e fundit 21-vjeçares që u përplas me makinë nga i riu shqiptar! Postimi prekës i nënës së saj

GREQI- Me pikëllim dhe dhimbje, të afërm dhe miq i dhanë lamtumirën e fundit Emmanuelës, në Chania, Kretë, e duke mos e besuar ende në ikjen e saj të parakohshme nga jeta dhe brenda pak minutash në një aksident të rëndë të ndodhur më 23 nëntor, ku studentja greke u përplas me makinë nga 26-vjeçari shqiptar, i cili pasi e tërhoqi zvarrë me mjetin e tij, u largua nga vendngjarja duke e lënë vajzën, në mes të rrugës dhe në gjendje të rëndë.

Mediat greke shkruajnë se funerali i Emës, siç e quanin njerëzit e saj, u bë në Kishën e Shenjtë të Agios Gerasimos Neokouros, ndërsa varrimi 21-vjeçares u bë në varrezat e I.N. Panagia.

Pak orë pas funeralit të vajzës, nëna e vajzës bëri dhe një postim mjaft prekës në “Facboook” .

“Udhëtim të mbarë Ema ime në skaj të universit, lotët të ftofshin kudo që të gjesh dhimbjen time...”, ka shkruar nëna e 21-vjeçares, e cila vendosi të dhuronte organet e vajzës.

“Pusho në paqe shpirti im i bukur... pusho dhe mos u shqetëso për asgjë... do të të dua sa të jetoj dhe të marr frymë”, thotë ajo duke e mbyllur postimin e saj me dy zemra të thyera.

Si ndodhi ngjarja e rëndë?

21-vjeçarja greke, studente, mbeti e plagosur rëndë në orët e para të së martës, kur u tërhoq zvarrë përgjatë rrugës Egnatia, në lartësinë e Kamarës, nga makina që drejtonte 26-vjeçari shqiptar, i cili u largua nga vendngjarja dhe e la të renë në gjendje të rëndë në asfalt. Që në momentin e parë mjekët bënë përpjekje për ta mbajtur në jetë, por gjendja e saj shëndetësore ishte jashtëzakonisht kritike dhe u shtrua në Repartin e Mjekimit Intensiv, por fatkeqësisht nuk ia doli dot.

Mjaftuan pak orë që i riu të vetë dorëzohej në polici me shenjë pendese ku edhe kërkoi të komunikonte me prindërit e saj. Duke u justifikuar, i riu u shpreh se u largua nga vendi i ngjarjes sepse jetonte në Greqi pa letra. Ndaj tij ka nisur një procedim penale, po ashtu dhe ndaj pasagjeres 19-vjeçare.

Në dëshminë e tij ai tha se ishte i shkatërruar nga kjo ngjarje dhe nëse viktima nuk do kishte tentuar të kalonte rrugën ‘Egnatia’ (aty ku gjeti vdekjen), asgjë nuk do të kishte ndodhur, mjaftonte që e reja të kalonte në vizat e bardha.

26-vjeçari, sipas ndjekjes penale të prokurorit, akuzohet për drejtim mjeti të rrezikshëm me pasojë lëndim të rëndë trupor (vepër penale), si dhe drejtim mjeti pa leje (kundërvajtje). 19 -vjeçarja (shtëpiake) nga ana e saj përballet me veprën penale të ndihmës në drejtim të automjetit të rrezikshëm me pasojë lëndim të rëndë trupor dhe ndihmë në një aksident trafiku (kundërvajtje).

S.C/Shqiptarja.com

TAG:
• greqi
• aksident me vdekje