POP 5

Lajmet më të lexuara të 5 minutave të fundit

Kronikë

Ujësjellësi i Kukësit: Prej muajsh
arkëtohet  vetëm 20% e faturave

Reshjet e dendura të shiut që kanë rënë në territorin e Kukësit, kanë ndikuar në shtimin e sasisë së ujit të pijshëm në çezmat e konsumatorëve. Por, ndonëse prurjet në burime janë shtuar, niveli i arkëtimit të faturave të ujit të konsumuar mbetet shumë i ulët. VIDEO
Ujësjellësi i Kukësit: Prej muajsh<br />arkëtohet  vetëm 20% e faturave
KUKËS - Reshjet e dendura të shiut që kanë rënë në territorin e Kukësit, kanë ndikuar në shtimin e sasisë së ujit të pijshëm në çezmat e konsumatorëve.
 
Por, ndonëse prurjet në burime janë shtuar, niveli i arkëtimit të faturave të ujit të konsumuar mbetet shumë i ulët.
 
Prej muajsh Ujësjellësi i Kukësit, arrin të arkëtojë vetëm 20 % të faturave nga konsumatorët familjarë dhe pak më shumë nga privati dhe institucionet shtetërore.

“Edhe pse prurjet kanë filluar të rriten dhe orari nga dy orë është zgjatur 6 deri në 7 orë, arkëtimet vazhdojnë të jenë në nivele shumë të ulëta dhe për këtë kemi ngritur grupe pune të përhershme, dy në qytet dhe një në fshat dhe posaçërisht këto do merren vetëm me arkëtimin e ujit dhe në momentin që familjarët nuk paguajnë apo privati, do bëhet ndërprerja e ujit e menjëhershme.” – tha Selxhe Ibra kryetare e degës së financave.

Ndërkohë, drejtuesit e ujësjellësit kanë paralajmëruar shkelësit e ligjit se nëse do të ketë rilidhje të ujit në mënyrë të paligjshme do të merren masa ndëshkimore deri në ndjekje penale.

Ujësjellësi i Kukësit ka ndërhyrë për prerjen e 40 lidhjeve të paligjshme në fshatrat Shtiqën dhe Nangë, ndërsa në prokurorinë e rrethit për ndërhyrje të paligjshme ka dërguar për ndjekje penale 53 raste.

Redaksia Online
(a.h/shqiptarja.com)

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Marrëveshja SHBA-Kanada, synon t'i japë fund kalimeve të emigrantëve mes të dy vendeve

Marrëveshja SHBA-Kanada, synon t'i japë fund kalimeve të emigrantëve mes të dy vendeve

24 Mars, 22:58