POP 5

Lajmet më të lexuara të 5 minutave të fundit

Sociale

Ujësjellësi i ri në Tresh të Lezhës nuk vihet në punë, rrejti elektrik nuk përballon pompat, fshati ‘thahet’ për ujë! Bashkia: Së shpejti do jetë në funksion

Ujësjellësi i ri është gati, por banorët e fshatit Tresh në Lezhë vuajnë sërish furnizimin me ujë të pijshëm, problem që vijon prej më shumë se 20 vitesh. Ndonëse i ndërtuar nga e para, ujësjellësi nuk është vënë në funksion pasi rrjeti elektrik nuk përballon fuqinë e pompave. 

Furnizimi me ujë të pijshëm është kthyer në sfidë për banoret e fshatit Tresh në Lezhë, prej të paktën 20-vitesh. Shpresonin se ujësjellësi i ri, që tashmë ka përfunduar do vihej në punë, por edhe në këto ditë të nxehta vere, në çezmat e 110 familjeve nuk rrjedh asnjë pikë ujë.

Sipas Bashkisë Lezhë, ujësjellësi nuk është vënë në punë pasi rrjeti elektrik nuk përballon ngarkesën e pompave.

“Kanë filluar punimet në korrik të vitit 2020. Rrjeti është i ri, me një vlerë  456 milion lekë. Atje praktikisht gjithçka ka përfunduar, por kemi një problem të vogël të energjisë elektrike. Pompat e reja, rrjeti nuk i përballon. Është bërë e gjithë pjesa shkresore me OSHE. Po bëhet thjeshtë lidhja dhe brenda pak ditësh edhe ujësjellësi i ri do të jetë në funksion”, tha nënkryetari  i Bashkisë Lezhë, Ermal Pacaj.

Të gjendur në këto kushte, banorët e fshatit tresh e sigurojnë ujin duke e blerë ose nga burimet larg fshatit të tyre, gjeq ë shton vuajtjet e tyre në këto ditët e  të nxehtit ekstrem.

 “Vijmë në mbrëmje e rrimë në rradhë”.

“Lagjia jonë qan hall për ujë. Një bot ujë e blej 20 mijë lekë në ditë. 20 mijë nuk e kam ditë punë. Si do jetëoje ky popull”.

“Asnjë pikë. Depo është bërë 2 km më andej. Ne nuk kemi ujë”.

“Si në kohën e monismit po lahemi me kusia”.

Ujësjellësi i Ri pritet që t’i japë zgjidhje furnizimit me ujë 5 fshatrave të Njësisë Administrative Zejmen, që përfshin Treshin.

S.C/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15