Të gjithë kanë pasur iluzionin se me rënien e Bashkimit Sovjetik, do të përfundonte edhe ajo që quhej Luftë Ftohtë! Në fakt, këtë iluzion nuk e kam pasur asnjëherë, por thjeshtë e kam konsideruar çështje kohe!
Rusia e sotme nuk është ajo e vitit 1990, që ishte e rrënuar ekonomikisht, e mundur ideologjikisht dhe e shpartalluar politikisht!
Rusia ka pasur dhe do të ketë gjithmonë ambiciet që ka pasur në Europën Juglindore e po ashtu edhe në Azi, por ajo para së gjithash duhet të rikuperonte ekonominë e saj, të stabilizonte sistemin politik e po ashtu të reformonte Ushtrinë e saj me standardet e kohës! Prandaj, pasivitetin e Rusinë e kam konsideruar vetëm çështje kohe e tashmë siç duket se koha ka ardhur që të tregoj dhëmbët e saj kundër Perëndimit!
Pse situata e Ukrainës është e ngjashme me atë të Polonisë në Luftën e II? Sepse, Rusia ashtu si Hitleri po fiton terren me agresion ushtarak! Rasti i Krimes ishte i ngjashëm me ata të Sudeteve në Luftën e II, por me dallim se këtë herë Rusia nuk e mori publikisht në tavolinë me marrëveshje, por duke e bërë fakt të kryer ndërhyrjen ushtarake!
Pra, pas shumë kohësh që kur Armata e Kuqe hyri në një vend Sovran si Afganistani, ajo hyri po me ushtri dhe bëri fakt të kryer marrjen e Krimes! Ky akt ishte një testim për Perëndimin dhe rezultoi me sukses për Rusinë e tashmë duket se objektivi i radhës është Ukraina, përsëri kemi të bëjmë me një shtet sovran e publikisht aleat me NATO!
Në këto vite kanë qarkulluar mendime se NATO e ka mbaruar misionin e saj e nuk duhet më! Madje, edhe ish presidenti Trump bëri disa herë deklaratë për të ardhmen e NATO duke kërkuar që vendet anëtare të rrisin kontributet dhe angazhimet, sepse barrën më të madhe e kishin SHBA!
Në fakt, NATO është më shumë e domosdoshme për Europën, përderisa këta të fundit nuk arritën kurrë të krijonin një Ushtri të përbashkët nën logon e BE! Ndërsa, sot me shume se kurrë kuptohet rëndësia e NATO-s si e vetmja aleancë ushtarake që mund të përballet me Rusinë sot e me Kinën nesër!
Nëse Rusia do të sulmoj Ukrainën, atëherë vendet si Gjermania, Italia, Turqia dhe Franca duhet të mendohen seriozisht për masat që duhet të marrin, sepse në projektet e Rusisë së sotme e ambiciet janë shumë të madhe për të rikthyer hijen e rëndë të ish Bashkimit Sovjetik!
Nëse NATO do të ndërhynte në konfliktin ruso-ukrainas do të ishte Luftë e re Botërore e menjëhershme e nëse nuk do të ndërhyjë menjëherë do të thotë se Lufta III Botërore, është pas dere e maksimumi koha e fituar nuk do të jetë më shumë se dy vjet!
Rusia i ka shfaqur hapur ambiciet e saj duke kërkuar largimin e pranimit të NATO-s në Rumani e Bullgari! Po, ashtu thuajse në zemrën e Europës kemi Serbinë që nuk pranon anëtarësimin në NATO duke u deklaruar kështu zyrtarisht zonë influence e Rusisë.
Skenarët e mundshme diplomatike mund të jenë të ngjashme me Konferencën e Munihut, kur zyrtarisht u arrit paqja, por në fakt projektet ushtarake tregonin mundësinë e një fronti të gjerë ushtarak! Kështu siç bëri Hitleri, ashtu mund të bëj edhe Putin, për të fituar kohë dhe për të gjetur Perëndimin në befasi!
Mendoj, se bisedimet mes SHBA dhe Rusisë duhet të jenë të sinqerta për të shmangur një luftë të re që do të ishte një katastrofë për Botën e të gjitha palët do të dalin të humbur, pa pasur asnjë të fituar!
Shqipëria nuk mund të dal e pa lagur nga kjo krizë duke pasur parasysh, se është anëtare e NATO-s e për faktin, se armiku i saj historik, Serbia me vendimin e saj për mos anëtarësim ka treguar hapur që është aleate e Rusisë! Çështjet e Ballkanit janë po ashtu, plagë të hapur e mjaft një krizë për tu ndezur!
Nëse Turqia në Luftën II ishte vend neutral, këtë herë nuk është e nuk mund ta ketë status. Pastaj, në Ukrainë ka komunitet mysliman, por edhe disa Republika për rreth Ukrainës janë Republika me shumicë myslimane. Prandaj, Turqia, jo vetëm si anëtare e NATO-s, por dhe për shkak të politikave aktuale në Rajon nuk mund të qëndroj pasive nga kriza e Ukrainës!
Ngjashmëria tjetër është se ashtu si në prag të Luftës II edhe këtë herë vendi Europiane që ka më shumë protagonizëm është UK, por me dallim me të kaluarën nuk e dimë nëse do të mashtrohet me Paqe nga Putin ashtu siç u mashtruar nga Hitleri!
Komente
Lajme të tjera
-
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
-
Përdorimi i raketave të avancuara nga Rusia, sinjal për Perëndimin
22 Nëntor, 07:40 -
SHBA-ja sanksionon bankën ruse, Gazprombank
21 Nëntor, 22:45
Po thoni qe Rusia ka pushtuar Afghanistanin ne 1979 , kurse Amerika me vendet e tjera te Natos keto 40 vjet e ka bere hi gjysmen e botes dhe askush nuk flet kjo eshte paturpesi e mediave qe jane lepiresa te perendimit kur ne fakt duhet te jene neutral
Përgjigju