Ukrainë/ Arrestohet zv/ministri i Energjisë, akuzohet për 500 mijë dollarë rryshfet

Kiev- Zëvendësministri ukrainas i Energjisë është arrestuar pasi akuzohet për ryshfet prej gjysmë milioni dollarësh. 

Lajmi është bërë i ditur nga ‘Ukrainska Pravda’ e cila citon Shërbimet e sigurisë ukrainase (SBU). 

Në njoftimin e SBU-së thuhet se Oleksandre Kheilo kërkoi ryshfet nga menaxherët e kompanive minerare në Ukrainën perëndimore. 

Zyra e Prokurorit të Përgjithshëm tha se në këmbim 500 mijë dollarëve, zëvendësministri u kishte premtuar krerëve të ndërmarrjeve shtetërore  të qymyrit Lviv-Volyn (Perëndim) transferimin e papenguar të pajisjeve të minierave nga minierat e rajonit të Donetsk (Lindje),

Kheilo dhe tre bashkëpunëtorët e tij të dyshuar u kapën në flagrancë dhe rrezikojnë nga 12 vjet burg me konfiskimin e aseteve të tyre", thuhet në njoftimin për shtyp të SBU. 

Edhe qeveria ukrainase konfirmoi se ishte arrestuar zv/ministri I Energjisë  por pa komentuar akuzat. Që nga fillimi i pushtimit rus në shkurt 2022, disa skandale korrupsioni kanë shpërthyer në Ukrainë, duke çuar në shkarkimin dhe arrestimin e zyrtarëve të lartë. 

Në fillim të majit, Ministri ukrainas i Bujqësisë Mykola Solsky dha dorëheqjen dhe u burgos pasi u akuzua për përvetësim të tokës në pronësi të shtetit. 
Presidenti Volodymyr Zelensky e ka bërë prioritet luftën kundër korrupsionit, një nga kushtet kryesore të vendosura nga Brukseli ndaj Kievit si pjesë e kërkesës së tij për t'u bashkuar me Bashkimin Evropian.

Lajmi kryesor:

Lufta në Ukrainë/ Kievi: Kontrollojmë gati 1 mijë km katror të rajonit rus Kursk! Zelensky: Rusia e detyruar të bëjë paqe! SHBA paralajmëron Iranin

E.K/Shqiptarja.com

TAG:
• ukraine
• OLeksandr Kheilo