Parlamenti i Ukrainës është rikthyer sërish në një ring për boks.

Kryeministri Arseniy Yatseniuk ndodhej në foltoren e parlamentit kur një deputet i opozitës u çua me një buqetë me lule dhe e ngriti kryeministrin peshë për ta larguar.
 
Pas këtij veprimi në sallën e parlamentit shpërthyen përleshjet mes deputetëve të cilët i "hoqën nga dora" kryeministrin deputetit opozitar dhe më tej nisën ta godisnin atë.

Kryeministri ishte duke folur për arritjet e qeverisë së tij kur deputeti Oleh Barna shkoi drejt tij me një buqetë me lule dhe e largoi nga foltorja duke e ngritur peshë. Kaq ka mjaftuar për të ndezur sherrin, i cili shpërtheu me grushta mes deputetëve.
 
Për më tepër shijoni "aksionin" në videon e mëposhtme: