Të paktën 14 persona vdiqën mbrëmë në një pritë nga militantët ushtarakë prorusë në Shahtiorsk, në rajonin separatist të Donetskut, deklaroi zëdhënësi i Shtabit të Përgjithshëm të ushtrisë ukrainase, Aleksei Dmitrashkovski, cituar nga Interfax. Të paktën 10 nga viktimat ishin ushtarë të Kievit. Dmitrashkovski tha se katër nga kufomat ende nuk janë identifikuar dhe mund të jenë dy separatistë duke pasur parasysh se sipas zëdhënësit të ushtrisë ukrainase "ata kishin pësuar humbje të rënda". Operacioni ushtarak në lindje u kthye sot në një fazë aktive pas ndërprerjes së shkurtër njëditore nga Kievi për të lejuar një grup ekspertësh ndërkombëtarë për të arritur në vendin e rrëzimit të avionit malajzian, që shkaktoi 298 të vdekur./ATSH/