TIRANË - UKT njofton se stabilizimi me ujin e pijshëm në Tiranë do të bëhet ditën e nesërme.

Në një njoftimin për mediat UKT thotë se si pasojë e ndërprerjes së punës për 3 orë në stacionin e pompimit Qafe Molle, ka shkaktuar një mungesë në depot shpërndarese të qytetit të Tiranës të rreth 6000 m3 ujë, e cila do të ndikojë në kufizimin e furnizimit me ujë të qytetit në orët e pasdites dhe në mbrëmjen e ditës së sotme.

Ndërprerja e punës për 3 orë sipas UKT ka ardhur si pasojë e mungesë të energjisë elektrike dhe menjëherë me ardhjen e energjisë elektrike rreth orës 15:00  stacioni i pompimit Qafe Molle u rivendos në punë.

UKT njofton se kjo ka qenë arsyeja e mungesës së ujit të pijshëm në pothuajse gjithë Tiranën.
 
Redaksia Online
(o.b/ Shqiptarja.com)