Indeksi i Kushtimit në Ndërtim për Banesat shënoi rënie gjatë tre mujorit të katërt të vitit 2019. Sipas publikimit të INSTAT, Indeksi i Kushtimit në Ndërtim, në tremujorin e katërt 2019 arriti 104,1, duke shënuar ulje me 0,1 %, në krahasim me tremujorin e katërt 2018.
Për të hartuar këtë indeks, INSTAT shikon se si kanë ndryshuar kostot për gjashtë grupe kryesore sipas pesha përkatëse. Grupi i parë me peshën më të lartë është grupi i shpenzimeve materiale. Krahasuar me të njëjtin tremujor të një viti më parë, indeksi i grupit “Shpenzime materiale” dhe “Kosto të tjera” pësuan rënie me 0,9 % secili.
Ndërsa rritje kanë shënuar grupet “Shpenzime makinerie” me 0,8 %, “Shpenzime për paga” me 0,5 %, pasuar nga grupi “Shpenzime transporti” me 0,3 %.
Në tremujorin e katërt 2019 ndryshimi tremujor i indeksit të kushtimit në ndërtim (krahasuar me një tremujor më parë) shënoi rritje me 0,4 %.
Krahasuar me tremujorin e tretë të vitit 2019, rritje kanë shënuar grupet “Shpenzime transporti” me 1,6 %, “Shpenzime makinerie” me 0,9 %, “Shpenzime për paga” me 0,4 % dhe “Kosto të tjera” me 0,1 %. Grupi “Shpenzime materiale” nuk ka pësuar ndryshime.
Ndonëse kostot e ndërtimit ulen, çmimet po rriten
Ndonëse të dhënat e INSTAT tregojnë se tashmë kostot për ndërtimin e banesave kanë shënuar rënie, me çmimet po ndodh e kundërta.
Çmimet e apartamenteve kanë shënuar një rritje të fortë gjatë vitit të fundit, sipas deklarimeve të agjentëve të pasurive të paluajtshme, që varion nga 10% në 30% (për zonën e unazës).
Mesatarisht, nëse do të blesh sot një hyrje, duhet të paguash 100-150 euro më shumë për metër katror, sesa pak kohë më parë, madje në disa zona rritja është dhe më e fortë në 300-600 euro më shumë.
Dy janë arsyet e kësaj tendence, sipas operatorëve, së pari rritja e taksave dhe së dyti qarkullimi i parave informale dhe pastrimi i tyre përmes ndërtimit.
Bizneset po reflektojnë në çmime taksën e strehimit social prej 3% si dhe sigurimi i detyrueshëm i pallateve deri në 10 vjet nga ana e ndërtuesve. Nga ana tjetër, ndonëse oferta për apartamente po rritet për shkak të shtimit të lejeve, kjo nuk po reflektohet në çmime, pasi sipas agjentëve imobiliarë kërkesa mbetet e lartë si rrjedhojë e pastrimit të parave në real estate.
Përllogaritja e INSTAT
Taksat nuk janë të përfshira në këtë indeks.
Indeksi i Kushtimit në Ndërtim (për Banesa) (IKN) mat ecurinë e çmimeve të materialeve të ndërtimit, të fuqisë punëtore dhe të shpenzimeve të tjera kapitale që përdoren në ndërtimin e një banese tip (8 – 10 kate).
Peshat e këtyre materialeve janë llogaritur duke u bazuar në preventivat e shpenzimeve për ndërtimin e një banese shumëkatëshe marrë nga firmat e ndërtimit.
Zgjedhja e ndërmarrjeve është bërë në bazë të volumit të ndërtimit që ato realizojnë gjatë një periudhe një vjeçare. Shpenzimet janë klasifikuar në përputhje me klasifikimin që përdor EUROSTAT për Indeksin e Kushtimit në Ndërtim, në gjashtë grupe kryesore si më poshtë:
Shpenzime për materiale
Shpenzime për paga
Shpenzime për makineri
Shpenzime transporti
Shpenzime për energji
Shpenzime të tjera
Komente
Lajme të tjera
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
S’ka më banesa individuale, por rezidenca shumëkatëshe! Mbi 2 mln metër katrorë ndërtime të reja me vlerë 806 mln €, u miratuan në 9 muaj nga bashkitë
29 Nëntor, 08:07
-
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18
Po po po
Përgjigju