POP 5

Lajmet më të lexuara të 5 minutave të fundit

Ekonomi

Ulet me 40% vlera e eksporteve të bimëve mjekësore! Hysenaj: 25% më pak eksporte prej rënies së euros! Shteti të rimbursojë 20% faturat e prodhimit të fermerëve

Zhvlerësimi i valutave vijon të dëmtojë eksportuesit vendas. Shoqata e bimëve Aromatike dhe Mjekësore, kërkon mbështetje nga buxheti i shtetit pasi vlera e shitjeve krahasuar me vjet ka rënë me 40%, e shkak kryesor është rënia e dollarit dhe euros

Mungesa e mbështetjes financiare dhe zhvlerësimi i valutave, kanë goditur edhe eksportuesit e bimëve mjekësore dhe aromatike.

Kryetari i shoqatës së Kultivuesve Përpunuesve të Bimëve Aromatike Mjekësore Xhavit Hysenaj tha, se këtë vit vlera monetare e eksporteve është ulur me 40%.

“Vitin e kaluar kanë qenë 58 milionë dollarë eksporte, që është dyfishuar nga viti 2014, sepse kanë qenë në 27.5 milionë, ndërsa këtë vit kemi një rënie prej 40% të eksporteve. Kemi pasur një rënie 25% vetëm nga rënia e valutës, i gjithë fitimi i parashikuar është eliminuar për të mos thënë që disa kompani janë me minus këtë vit”, tha Hysenaj.

Në këtë industri janë të punësuara 4 mijë familje, por nëse nuk do të mbështeten nga buxheti i shtetit me subvencionim 20% të çdo fature që fermerët dorëzojnë për prodhimin e tyre, situata do të përkeqësohet në vitin e ardhshëm.

“Kërkohet mbështetje konkrete për çdo fermer që prodhon, dhe prodhimet e tij i dorëzon me faturë të fiskalizuar të mbështetet direkt nga shteti, pa kaluar nëpërmjet kooperativave të bashkimit bujqësor, apo firmave përpunuese, por ti shkojë direkt atij mbështetja. Nëse fermeri dorëzon sot 1 milionë lekë prodhim në një fabrikë përpunuese me faturë, 20% ti shkojë në llogari nga shteti, vetëm kjo do ti mbajë në këmbë fermerët”, tha Hysenaj.

Kompensim më herët kanë kërkuar edhe sektori i manifakturës, me argumentin se zhvlerësimi i euros dhe dollarit u ka shkaktuar miliona euro humbje.

Ndërkohë INSTAT raporton se deri në fund të muajit nëntor janë eksportuar mallra me vlerë 403 miliardë lekë, duke rënë me 9.8% në raport me 11 muajit e vitit të kaluar.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19