Më shumë se 309 mijë punonjës me paga mbi 30 mijë lekë deri në 150 mijë lekë, e që paguajnë tatim 13%, do të jenë përfitues të uljes së tatimit mbi rrogwn. Nga ana tjetër janë mbi 13 mijë të punësuar që paguajnë tatim mbi 23%, ndërsa kategoria me paga deri në 30 mijë lekë nuk tatohet.
Report TV është interesuar pranë Ministrisë së Financave edhe për mundësinë e një rishikimi të fashave të pagave, pas uljes së tatimit, por ky ndryshim nuk po diskutohet.
Por si tatohet puna në Shqipëri në krahasim me rajonin?
![](https://shqiptarja.com/template/img/NO_ALFA_Kuadrate shqiptarja.png)
Në Kosovë aplikohen disa fasha tatimi për pagat dhe më e larta është 10%, në Serbi tatimi mbi pagat është i sheshtë në nivelin 10%, në Malin e Zi, janë në fuqi 2 nivele 9 dhe 11% dhe në Maqedoninë e Veriut përdoret tatimi 11 dhe 18% për pagat.
Shtetet fqinje pak a shumë ndjekin politikë progresive në këtë aspekt, ndërkohë që mbetet të shikohet se nga cila ana do të vendos Ministria e Financave për të tatuar punën. Teksa qeveria qëndron e vendosur për të vijuar me tatimin progresiv, opozita mbron tezën e saj për taksën e sheshtë prej 9%.
Një vendim i tillë nga ana e qeverisë do të ulë të ardhurat në buxhetin e shtetit që vijnë nga tatimi mbi të ardhurat personale, por efekti negativ financiar pritet të kalkulohet pas vendosjes së fashave të reja.
Paraprakisht Ministria e Financave në vitin që vjen pret të mbledhë nga tatimi mbi të ardhurat personale 41 miliardë lekë ose 2.4% e Prodhimit të Brendshëm Bruto. Kjo pritshmëri është më e ulët se sa parashikimi i buxhetit fillestar të këtij viti, ku pa efektin e pandemisë qeveria priste 47,5 miliardë lekë ose 2.6% e PBB-së së vendit.
Ky reduktim i të ardhurave nga ky zë nuk ka të bëjë me uljen e tatimit por me rritjen e papunësisë si pasojë e pandemisë COVID-19.
PËRFITUESIT E ULJES SË TATIMIT MBI PAGËN
Tatim 13% paguajnë 309.824 punonjës
Tatim 23% paguajnë 13.646 punonjës
FASHAT E PAGAVE
Paga 0-30 mijë lekë 0% tatim
Paga 30,001 lekë -150 mijë lekë 13% tatim
Mbi 150,001 lekë 23% tatim
TATIMI MBI PAGËN NË RAJON
Kosova 0-10% tatim mbi pagën
Serbia 10% tatim mbi pagën
Mali i Zi 9% - 11% tatim mbi pagën
Maqedoninë e Veriut 11% - 18% tatim mbi pagën
TATIMI MBI TË ARDHURAT PERSONALE
Projekt-buxheti 2021 41 mld lekë/ 2.4% e PBB
Buxheti fillestar 2020 47,5 mld lekë/ 2.6% e PBB
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
E sa do ulet? Apo kismet?
PërgjigjuSa do ulet tatimi vemje analfabete? Askund se thoni. Medioker.
Përgjigju