POP 5

Lajmet më të lexuara të 5 minutave të fundit

Kronikë

PDIU bashkon votat me PS, miratohet buxheti i Bashkisë së Tiranës, rritje me 12%

Këshilli Bashkiak i Tiranës ka miratuar buxhetin për 2019, me një bashkim votash midis grupit të këshilltarëve të PDIU me ata të PS-së. Përpara së të merrej ky vendim, kryetari i Bashkisë së Tiranës Erion Veliaj ka hedhur poshtë denoncimet e bëra nga PD dhe ka deklaruar se nëse gjendet një dokument që e vërteton dicka të tillë, ai do të japë dorëheqjen nga posti i kryetarit të Bashkisë së Tiranës

Këshilli Bashkiak i Tiranës ka miratuar të premte buxhetin për vitin 2019, që do të fokusohet në infrastrukturë rrugore, banesa sociale, shkolla e kopshte, pastrim e gjelbërim. Me mbi 31 vota të Partisë Socialiste dhe PDIU-së, Këshilli Bashkiak miratoi buxheti që do të jetë 12% më i lartë se vitin e kaluar dhe parashikon një sërë investimesh të rëndësishme që pritet të sjellin një përmirësim të ndjeshëm në infrastrukturë dhe në shërbime për qytetarët.

Investimet në buxhetin 2019 parashikojnë një sërë projektesh strategjike si: 1) Shkollat e Reja 2) Tirana Policentrike 3) Vazhdimi Bulevardit të Ri dhe Rehabilitimi i Lumit të Tiranës 4) Pylli Orbital 5) Rrjeti Minimal i Bicikletave 6) Kopshti Zoologjik 7) Terminalet e Transportit Rijetëzimi i Piramidës.

Ndërkohë plot 1104 familje nga Tirana do të kenë mundësi që përmes programit të kredisë së butë të sigurojnë një shtëpi duke i dhënë zgjidhje strehimit të tyre. Kryebashkiaku Veliaj bëri të ditur se mes përfituesve janë edhe disa prej familjeve të zonës së Astirit që preken nga projekti i Unazës së Re.

Ekonomia jo vetëm e vendit por kryesisht e Tiranës si motorr ekonomik po rritet me shifra të kënaqshme. Ne kemi parashikuar një rritje me 12%.  Nëse ne e realizojmë rritjen e të ardhurve, sic e kemi realizuar këtë vit me 100%  rritjen e të ardhurve, kemi treguar se kemi vepruar si një familje një koqire. Vërtetë nuk rriten taksat, por rritet baza.

Erjon Veliaj, Kryetar i Bashkisë së Tiranës

Kryetari i Bashkisë së Tiranës, Erion Veliaj, gjatë fjalës së tij hodhi poshtë denoncimet e Partisë Demokratike për projektin e “Unazës së Madhe”, sipas të cilës Bashkia i ka dhënë leje ndërtimi për një projekt rezidence biznesmenit të akuzuar për trafik droge, Edmond Bego.

Po ka një të tillë që Erion Veliaj ka dhënë këtë leje, unë iki nga Bashkia e Tiranës dhe jap dorëheqjen, në të kundërt, kam frikë se do të shkojë në Prokurori.

Erion Veliaj, Kryetar i Bashkisë së Tiranës 

Këshilltarët e opozitës bojkotuan mbledhjen, ndërsa jashtë bashkisë ishin mbledhur për protestuar banorë që preken nga projekti i “Unazës së Madhe”. Kryetari i Bashkisë Erion Veliaj tha më tej se ndryshe nga cdo vit tjetër, buxheti është siguruar 100% nga të ardhurat e bashkisë, ndërsa sa i përket sjelljeve të pahijshme që do të dënohen në publik, Veliaj theksoi se janë masa që janë marrë në çdo qytet të botës, dhe që synojnë trajtimin e fenomeneve të papranueshme nga shoqëria.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ylli: 21/12/2018 19:10

    bravo Lali vazhdo keshtu sic e ke nisur se je ne rruge te mbareeee

    Përgjigju
  • Njof: 21/12/2018 19:09

    Njof njerin qe beri ligj para ca vitesh per te legalizuar 10 Kate pa leje ne Tirane te gim cirakut..... shifi letrat ke bashkia dhe coje ne prokurori te keqen. Edhe njerin se fundmi qe I dha pronen shteterore ne laprake per ndertime , coje prokurori o plak

    Përgjigju
  • lili: 21/12/2018 18:32

    Ne kohen e lulit zonja tabaku ka qene nenkryetare keshtu qe e di mire se si e ka marre lejen dhe se si kane kontribuar per legalizimet ne zona qe slejohet bashke me kryetarin e saj

    Përgjigju
  • marta: 21/12/2018 18:31

    basha qe nuk jeton ne shqiperi por qe rri ne holland prap e do nje leje tja japi vetes .. keta duan burgun o Lali ndiqa ceshtjen coja ne gjykate dhe aty te kalben

    Përgjigju
  • mira: 21/12/2018 18:30

    basha vetem i ka vjedh keti vendi dhe eshte si qfte mor burr si ka mundesi qe eshte aty nje cop si ai qe vertm vjedh dhe vret

    Përgjigju
  • poli: 21/12/2018 18:30

    ky maskarai vetem ka abuzuar , fare e keqe fute ne burge lali leshoju nga pas mos e lere

    Përgjigju
  • klod: 21/12/2018 18:29

    po si ka mundesi qe ky njeri vetem ka vjedh dhe si ka mundesi qe ky vetem kerkon por nje gje nuk bene .denoncoje ne gjykate dhe ndiqe hape pas hapi per te cuar deri ne burge nese eshte nevoja

    Përgjigju
  • Roza: 21/12/2018 17:49

    Me ne fund del nje qe I kap me fakte ata trimaran e PD. Te lumte Erion. Ti je fat per Tiranen.

    Përgjigju
  • redu: 21/12/2018 17:45

    Zaptuesve te objekteve publike , pergjigju me gjuhen e ligjit . Bej denoncim ne prokurori .

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

20 militantë të Berishës protestojnë kundër Ramës në Londër

20 militantë të Berishës protestojnë kundër Ramës në Londër

24 Nëntor, 12:59