'Spiunë dhe tradhtarë'/ Banorët e 'Astirit' përplasen me njëri-tjetrin gjatë protestës (VIDEO)

TIRANE - Për të 17-ën ditë me radhë, banorët e "Unazës së Re" kanë nisur protestën për të kundërshtuar projektin për zgjerimin e "Unazës së Madhe", i cili prek edhe banesat e tyre, një pjesë e mirë e të cilave janë pa leje. Por protesta e ditës së sotme ka nisur përplasje mes vetë banorëve. Nuk kanë munguar as përplasjet fizike mes njëri-tjetrit. Protestuesit kanë akuzuar disa nga banorët se kanë tradhtuar kauzën e tyre, duke u paraqitur në ARRSH për ndjekjen e procedurave të kompensimit për objektet që preken nga zgjerimi i "Unazës së Madhe".

Megjithatë, situata është normalizuar brenda pak minutash dhe banorët kanë vijuar protestën. Siç kanë bërë çdo ditë, edhe pasditen e sotme protestuesit kanë bllokuar rrugën duke shkaktuar kaos në trafik, ndërsa kanë hedhur edhe kapsolla. Në mbështetje të protestuesve janë sërish deputetë të PD. Gjithashtu, mes protestuesve ndodhen edhe përfaqësues të të ashtuquajturës "Aleanca për Mbrojtjen e Teatrit", aktorë dhe aktivistë të Shoqërisë Civile. 

Banorët e "Astirit", banesat e të cilëve preken nga zgjerimi i "Unazës së Madhe", janë ndarë në dy pjesë. Disa prej tyre dalin çdo ditë në protestë, duke bllokuar rrugën e duke shkaktuar kaos në trafik, ndërsa pjesa tjetër i janë drejtuar institucioneve për të nisur procedurat e shpronësimit. 

Report Tv ka siguruar edhe fotot e momentit të takimit të banorëve me kreun e ARRSH, Afrim Qendro. Mësohet se pranë zyrave të ARRSH janë paraqitur 36 persona për të kërkuar dëmshpërblim për objektet e tyre që preken nga zgjerimi i "Unazës së Madhe". 

Një ditë më parë banorët u përleshën me policinë, ndërsa sulmuan edhe kantierin e firmës private që do ndërtojë "Unazën e Madhe", duke tentuar dëmtimin e automjeteve. Në ndihmë të uniformave blu shkuan Forcat e Ndërhyrjes së Shpejtë, të cilët normalizuan situatën.

Rendit zhvillimet sipas orarit:
Ora 21:14
Si nisi përplasja e banorëve te Unaza e Re

Në video tregohen momenti i përplasjes midis banorëve

Ora 18:41
Fëmijët e Unazës së Re hedhin kapsolla gjatë protestës (FOTO)
Ora 18:18
Banorët e 'Unazës së Re' përplasen me njëri-tjetrin (FOTO)
/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mati: 21/11/2018 10:34

    KY eshte "suksesi"i opozites dhe disa "artisteve"ne organizimin e protestes qe, te qaj e perqaj popullin dhe te pengoje-ngadalsoj procset e zhvillimeve te shtetit dhe te mbulloje lakadredhat,krimet dhe pengimin, qe kane bere tete vjetet e sundimit,te pengoj te miren e shtetit dhe popullit.Kjo eshte"kombetarja" dhe interesimi opozitar aktual ne Shqiperi,

    Përgjigju
  • Popull: 20/11/2018 21:42

    Cecenat e qelbur...

    Përgjigju
  • Petrefi: 20/11/2018 20:34

    Zihen minjte kesmeti i maces

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv