'Unaza e Re'/ Banorët protestë në ditën 61-të, deputeti i PD: Ramën s'e lënë bandat të heqë dorë nga prishja e shtëpive

TIRANË - Banorët e "Unazës së Re" kanë vijuar protestën në ditën e 61-të, duke bllokuar rrugën që lidh "Pallatin me Shigjeta" me ish-Sheshin "Shqiponja". Protestës i janë bashkuar edhe deputetë të PD dhe LSI. Klevis Balliu tha se në prononcimin për mediat se janë bandat ato që nuk e lënë kryeministrin Edi Rama dhe kryebashkiakun Erion Veliaj të anulojë projektin që prish shtëpitë. Ai tha se qytetarët kërkojnë drejtësi dhe drejtësia nënkupton çuarjen në burg të atyre që firmosën aferën korruptive sipas tij te "Unaza e Re". 

Nuk kemi marrë përgjigje nga Edi Rama sepse ka një arsye të thjeshtë. Bandat nuk lejojmë të sprapset nga ndërtimi. Të gjithë bashkë do ta mundim klikën mafioze të Edi Ramën me Erion Velisë. Sot qytetarët kërkojë drejtësi, dhe kërkojnë të mbajnë përgjegjësi për aferën korruptive në lotin e parë. Të shkojnë në burg përgjegjësit, duke filluar nga Erion Veliaj, Edmond Bego dhe Edi Rama. Këtu kemi të bëjmë me një qeveri të kapur dhe të korruptuar. Provokime dhe tensionet nuk do të tolerohen më. Ju keni mbështetjen e opozitës së bashkuar dhe të gjithë bashkë do ta zhdukim farën komuniste të Edi Ramës.

Klevis Balliu, deputet i PD

Nga ana tjetër, banorët e "Astirit" paralajmëruan se do përshkallëzojnë protestën pas datës 7 janar. Ata deklaruan se do mbrojnë me çdo çmim shtëpitë e tyre.

TAG:
• klevis balliu
• edmond bego
• protesta e astirit
• projekti unaza e madhe