POP 5

Lajmet më të lexuara të 5 minutave të fundit

Sociale

UNEP vlerëson Shqipërinë për modelin e ruajtjes së biodiversitetit dhe ekoturizmit, Kumbaro: 5.5 milionë vizitorë në zonat e mbrojtura

Ministrja e Turizmit dhe Mjedisit Mirela Kumbaro, në një intervistë për UNEP - Programin Mjedisor të Kombeve të Bashkuara - ka prezantuar rrugën që ka përqafuar Shqipëria për mbrojtjen e mjedisit dhe ruajtjes së biodiversitetit përmes zhvillimit të qëndrueshëm të turizmit dhe rritjes së sipërfaqes së zonave të mbrojtura deri në 22% të territorit

UNEP vlerëson Shqipërinë për modelin e ruajtjes së biodiversitetit dhe ekoturizmit, Kumbaro: 5.5 milionë vizitorë në zonat e mbrojtura

Mirela Kumbaro

Ministrja e Turizmit dhe Mjedisit Mirela Kumbaro, në një intervistë për UNEP - Programin Mjedisor të Kombeve të Bashkuara - ka prezantuar rrugën që ka përqafuar Shqipëria për mbrojtjen e mjedisit dhe ruajtjes së biodiversitetit përmes zhvillimit të qëndrueshëm të turizmit dhe rritjes së sipërfaqes së zonave të mbrojtura deri në 22% të territorit.

"Jemi shumë të lumtur për bashkëpunimin me United Nations Environment Program. Për ne biodiversiteti është shumë i rëndësishëm. Shqipëria është një vend i vogël, ku 22% e territorit janë sipërfaqe që mbrohen si peizazhe të mbrojtura, parqe natyrore apo parqe kombëtare. Shqipëria mbron gjithashtu lumin e fundit të egër të Evropës, Vjosën, duke e shpallur park kombëtar në vitin 2023.

Ne po punojmë me UNEP për projekte të përbashkëta në Alpet Shqiptare. Përmes punës së përbashkët kemi dyfishuar  këtë territor magjepsës në veri të Shqipërisë. Shqipëria është ndoshta i vetmi vend ku turizmi dhe mjedisi gjenden nën një ‘çati’, me qëllimin që njëri të zhvillohet në mënyrë të qëndrueshme dhe tjetri të mbrohet për të ardhmen e fëmijëve tanë", u shpreh ministrja Kumbaro për UNEP.

5,5 milionë vizitorë janë regjistruar në zonat e mbrojura,  gjatë vitit 2024, ose 1 milionë më shumë se viti 2023, si tregues i interesit të rritur për turizmin natyror gjithëvjetor.

Shqipëria është një nga partnerët financues të plotë të UNEP për 2023 dhe 2024, kontributet e së cilës në Fondin e Mjedisit mundësojnë zgjidhje inovative globale për ndryshimet klimatike, mbrojten e natyrës dhe biodiversitetit, si dhe menaxhimin e mbetjeve.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

1997, fëmijëria e shqiptarëve, lamë lodrat dhe luanim me armë! Esencë-Report Tv

1997, fëmijëria e shqiptarëve, lamë lodrat dhe luanim me armë! Esencë-Report Tv

17 Janar, 21:04