POP 5

Lajmet më të lexuara të 5 minutave të fundit

Media

Unioni i Gazetarëve letër Llleshit:
Ndalo vendimin për kasetat e montuara

Kreu i Unionit të Gazetarëve Shqiptarë, Aleksandër Çipa nëpërmjet një letre drejtuar kryetares së KQZ, Lefterie Lleshit i kërkon asaj që të ndalojë fuqinë vepruese të vendimit të miratuar pak ditë më parë nga ky institucion lidhur me pranimin e kasetave të montuara nga partitë për televizionet.
Unioni i Gazetarëve letër Llleshit:<br />Ndalo vendimin për kasetat e montuara
TIRANE - Kreu i Unionit të Gazetarëve Shqiptarë, Aleksandër Çipa nëpërmjet një letre drejtuar kryetares së KQZ, Lefterie Lleshit i kërkon asaj që të ndalojë fuqinë vepruese të vendimit të miratuar pak ditë më parë nga ky institucion lidhur me pranimin e kasetave të montuara nga partitë për televizionet.

“Unioni i Gazetarëve Shqiptarë e denoncon këtë vendim si më absurdin dhe si një dokument zyrtar i cili u heq atributin mediave dhe reporterëve për të raportuar drejtëpërsëdrejti nga mjedisi dhe realiteti elektoral, duke i shndërruar partitë politike edhe në institucione të prodhimit të lajmit dhe servirjes së imponuar mediave profesioniste të vendit.

Ky vendim i cili, sipas informimit tonë para se të kalohej në KQZ, është miratuar vetëm nga katër prej shtatë anëtarëve të Bordit të Monitorimit të Mediave pranë KQZ-së, konsiderohet prej nesh një precedent i rrezikshëm dhe fyes për gjithë komunitetin e gazetarëve profesionistë të Shqipërisë.

Me autoritetin tuaj ligjor, ne kërkojmë që të ndërhyni për t’u ndalur fuqia vepruese e këtij vendimi pasi ai bie ndesh me dispozita të Kushtetutës së Shqipërisë”, thuhet në letrën drejtuar Lleshit.

Ndër të tjera, duke iu drejtuar dhe Avokatit të Popullit, Çipa shkruan se “Unioni i Gazetarëve Shqiptarë e konsideron betejën për refuzimin dhe anulimin e këtij vendimi të KQZ-së si një çështje themelore të lirisë dhe integritetit të mediave dhe gazetarëve në vend.

Përpjekjet dhe reagimet tona nuk do të rreshtin, pasi ajo lidhet me kauzën e lirisë dhe së drejtës sonë profesionale”, thuhet në letër.

Shkrimi u botua sot në gazetën Shqiptarj.com (print) 11.06.2013
 
Redaksia Online
(b.m/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Enver Robelli: Kolosi shqiptar në Amerikë

Enver Robelli: Kolosi shqiptar në Amerikë

28 Nëntor, 20:37 nga Enver Robelli