POP 5

Lajmet më të lexuara të 5 minutave të fundit

Arkiva

Universitetet Publike/Më pak mundësi studimi për maturantët

TIRANË, 7 prill/ATSH-Z.Tosku/-Maturantët këtë vit kanë më pak mundësi për të studiuar në Universitetet Publike. Sipas të dhënave të Agjencisë Kombëtare të Provimeve, janë 55 mijë e 385 maturantë, të cilët kanë plotësuar formularët A1 dhe A1Z. Ndërkohë, kuotat e pranimit në universitetet publike janë rreth 19 mijë, duke bërë që të kenë më pak […]
Maturantët këtë vit kanë më pak mundësi për të studiuar në Universitetet Publike.
Sipas të dhënave të Agjencisë Kombëtare të Provimeve, janë 55 mijë e 385 maturantë, të cilët kanë plotësuar formularët A1 dhe A1Z.
Ndërkohë, kuotat e pranimit në universitetet publike janë rreth 19 mijë, duke bërë që të kenë më pak mundësi për të filluar një shkollë të lartë.
Ndryshe nga një vit më parë, këtë herë janë më shumë nxënës mbetës, duke bërë që 14 mijë e 535 maturantë të plotësojnë formularin A1Z. Një vit më parë, numri i maturantëve që plotësuan formularin A1 ishte 7 mijë, mirëpo këtë vit për shkak të numrit të madh të maturantëve që ngelën në lëndën e matematikës, ky numër u dyfishua.
Ndërkohë, janë 40 mijë e 864 aplikime për formularin A1, i cili është plotësuar nga maturantët që janë aktualisht duke ndjekur gjimnazin.
Ndërkaq, maturantët që kanë plotësuar formularin A1 dhe A1Z, duhet të paraqiten pranë shkollave përkatëse brenda datave 16-22 prill për të bërë verifikimin e të dhënave. Është i domosdoshëm verifikimi dhe saktësia e tyre, pasi në rast gabimi, maturanti rrezikon të mos futet në provime.
Maturantët, të cilët arrijnë të kenë rezultate të larta, jo vetëm gjatë viteve të studimit, por edhe në provimet e Maturës Shtetërore do të kenë më tepër mundësi për t'u bërë pjesë e universiteteve publike. Edhe këtë vit, në përzgjedhjen e tyre do të zbatohet sistemi meritë-preferencë. Maturantët, pas datës 22 korrik do të plotësojnë formularin A2, nëpërmjet të cilit do të zgjedhin dhjetë preferencat e tyre në universitet, sipas preferencës që kanë.
Në bazë të pikëve dhe preferencës, do të përzgjidhen më pas fituesit për në universitet. Në llogaritjen e pikëve, një rol të rëndësishëm ka edhe profili që maturanti ka zgjedhur, por edhe lëndët me zgjedhje. /atsh/
 
 

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

FOTOT/ Ja kush janë pronarët e faqeve ‘Jeta Osh Qef’ dhe Lolitës, që gjobisin bizneset

29 Mars, 17:14