POP 5

Lajmet më të lexuara të 5 minutave të fundit

Sociale

Ura e Zogut ‘nën kthetrat e degradimit’, aktivistët: Ndërhyni! Projekti për rindërtimin, gati! Ministria: Puna nis së shpejti

Projekti i shpëtimit të Urës së Zogut nga degradimi endet nëpër procedurat e tenderimit edhe pse i miratuar që prej shkurtit të këtij viti. Aktivistët sërish ngrenë alarmin për ndërhyje urgjente në këtë monument të kulturës.

Projekti i shpëtimit të Urës së Zogut nga degradimi endet nëpër procedurat e tenderimit edhe pse i miratuar që prej shkurtit të këtij viti. Aktivistët sërish ngrenë alarmin për ndërhyje urgjente në këtë monument të kulturës.

Me degradimin e Urës së Zogut, Shqipëria rrezikon të humbasë një nga monumentet më të rëndësishme. Edhe pse projekti për shpëtimin e saj është miratuar, duket se ende nuk ka gjetur zbatim.

Që nga ndërtimi i saj në 1927-ën, ura me harqe, njohur si Ura e Zogut, vijon të degradojë dita-ditës dhe tashmë ka prekur ekstremin.

Projekti i Ministrisë së Kulturës për shpëtimin e këtij monumenti nga shembja e plotë është miratuar në muajin shkurt të këtij viti, por nuk ka nisur ende zbatimin.

“Punimet duhet të fillonin në maj, nuk kemi asnjë informacion për zhvillimin e këtij projekti. Kemi dashur të nisim një fushatë online për të rizgjuar komunitetin dhe institucionet, shumë shpejt vjeshta do të jetë këtu dhe nuk dihet fati I urës. Kam frikë se vjeshta do të jetë fatale”, u shpreh Emarilda Leti, aktiviste.

Drejtoresha e Kulturës Kombëtare në Shkodër, Besara Potgorica, bën më dije se investimi është në proces tenderimi dhe se do të zbatohet në një kohë shumë të shpejtë.

Ura me 6 harqe, e gjatë 500 metra u ndërtua nga Mbreti Zog dhe në vitin 1999, Ministria e Kulturës do ta njihte zyrtarisht si monument kulturor e historik, duke e marrë në mbrojtje, në kohën kur kishte nisur ngadalë degradimi i saj. 

Në dy dekadat e fundit, Ura e Zogut, Monument Kulture i Kategorisë së Parë nuk ka njohur asnjë restaurim, ku zëri Evropian i Shoqërisë Civile për Trashëgiminë Kulturore e përfshiu Urën e Zogut në listën e shtatë monumenteve më të rrezikuara në Europë.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Në sheshin ‘Skënderbej’ Kolë dhe Beatriçe, dy shkodranët që sjellin muzikën e traditës në kohë! U bashkohet Redi Hasa: Më thërret tabani, e kam në gjak!

Në sheshin ‘Skënderbej’ Kolë dhe Beatriçe, dy shkodranët që sjellin muzikën e traditës në kohë! U bashkohet Redi Hasa: Më thërret tabani, e kam në gjak!

2 Maj, 19:48 nga Anila Dedaj