TIRANE-Ngritja e shqetësimit nga Report Tv pas ankesave të qytetarëve të shumtë ka qartësuar policinë e shtetit, e cila ndryshoi urdhrin dhe zyrtarisht deklaron se nesër do të lejohet lëvizja e makinave, ndryshe nga urdhri i parë që njoftonte se e diela do të jetë pa makina.

"Sqarim i Policisë së Shtetit. Policia e Shtetit, duke rivleresuar komunikimin me Ministrine e Shendetesise në lidhje me Udhezimin per ditën e diel, 31 maj, pa makina, informon edhe njehere qytetaret se nuk do te kete ndalim te qarkullimit te automjeteve brenda qyteteve as ditën e diel. Policia do te perqendrohet vetem ne ndalimin e levizjes mes zonave, qe edhe neser do te jene zona te kuqe" thuhet në njoftimin e dytë.

Por si u krijua konfuzioni? Ministria e Shëndetësisë njoftoi dje se sot dhe nesër makinat do të lejohen që të qarkullojnë, por nuk lejohet vetëm lëvizja nga zona e kuqe te e gjelbra dhe e kundërta. Gjithashtu edhe kryeministri Edi Rama njoftoi sot se nuk ka kufizim për lëvizjen e makinave me përjashtim të daljes nga zona e kuqe dhe që të futen nga e gjelbra. 

Por policia e shtetit duket se nuk ishte e azhornuar me urdhrin zyrtar të ministrisë së Shëndetësisë dhe postimin e kryeministrit Edi Rama dhe njoftoi bllokimin e makinave nesër në të gjithë vendin, ashtu si fundjavat që kaluan në këtë kohë pandemie duke e shpallur ditë pa makina.

Përballë urdhrave kontradiktorëve ata që po e vuanin ishte qytetarët. Ngritja e shqetësimit nga Report Tv bëri që Policia e Shtetit të komunikonte edhe njëherë me ministrinë e Shëndetësisë dhe të vendoste përfundimisht se nesër lejohen makinat.

Urdheri i ministres Manastirliu

Postimi i kryeministrit Edi Rama