Uruguaj prezanton kandidaturën e saj për të fituar Kupën e Amerikës pasi ka bindur në debutim me dyshen Cavani-Suarez duke mposhtur me goleadë 4-0 Ekuadorin. Ekuadori u tregua një ekip i dobët në mbrojtje ndërsa ishte Uruguaj që shumë shpejt kaloi në avantazh me një gol të bukur të Lodeiro.
Më pas skuadra e drejtuar nga Tabarez vijon spektaklin dhe do vijnë edhe dy gola të tjerë që në fraksionin e parë me dyshen Cavani-Suarez që shënojnë dy gola të bukur dhe mbyllin llogaritë sa i përket trepikëshit.
Në fund të takimit shënohet edhe goli i katërt pasi futbollisti i Ekuadorit Artura Mina e dërgon topin në portën e tij. Pas Brazilit që fitoi në debutim dhe Argjentinës që u mposht një tjetër pretendent si Uruguaj bind në Kupën e Amerikës duke kryesuar grupin C në pritje të ndeshjes tjetër Japoni-Kili.
Ndërsa në grupin B të Kupës së Amerikës ku bën pjesë edhe Argjentina ndeshja tjetër mes Paraguajit dhe Katarit që merr pjesë si i ftuar u mbyll në barazim 2-2. Këtë grup e kryeson Kolumbia që mposhti Argjentinën ndërsa Messi me shokë duhet të mposhtin Paraguajin në ndeshjen e dytë në grup. /Përgatiti Andi Kapxhiu
Lajme të tjera
-
Argjentina kampione e Kupës së Amerikës, mposht Brazilin në shtëpi! Messi: Hera e parë që do shkoj me pushime i lumtur
11 Korrik 2021, 11:42 -
'Derbi i botës'! Argjentina kalon me penallti Kolumbinë, në finalen e Kupës së Amerikës përballet me Brazilin
7 Korrik 2021, 15:39 -
Pas Kolumbisë heq dorë edhe Argjentina, pezullohet Kupa e Amerikës dy javë para se të niste (VIDEO)
31 Maj 2021, 15:41
