Ushtria ukrainase godet me 2 raketa amerikane bazën ruse, mbi 60 të vrarë

Të paktën 60 trupa ruse janë vrarë në një kamp ushtarak të ngritur në Ukrainën lindore, pasi ushtria ukrainase e goditi me dy raketa.

BBC shprehet se trupat ishin mbledhur në rajonin e Donetsk për mbërritjen e një komandanti të lartë.

Sulmi është konfirmuar dhe nga zyrtarë rusë por janë cilësuar si të ekzagjëruara shifrat e dhëna për humbjet e jetëve.

Sulmi thuhet se ndodhi disa orë përpara se presidenti rus Vladimir Putin të takohej me ministrin e tij të mbrojtjes Sergei Shoigu.

Në takim, z. Shoigu theksoi sukseset ruse në disa zona të Ukrainës dhe foli për pushtimin e qytetit Avdiivka , por nuk përmendi incidentin e rajonit të Donetsk.

Mediat shprehen se ushtarët të cilët u vranë, po prisnin mbërritjen e gjeneralmajor Oleg Moiseyev, komandant i Ushtrisë së 29-të të rajonit ushtarak Lindor, në një zonë stërvitore pranë fshatit Trudovske.

Në një video të publikuar, një ushtar që i mbijetoi incidentit tha se komandantët e brigadës i kishin urdhëruar efektivët të qëndronin në një fushë të hapur.

Në ato momente ata u goditën nga dy raketa të lëshuara nga sistemi i lëshimit HIMARS i prodhuar në SHBA.

K.M/Shqiptarja.com

TAG:
• ukraine
• lufta ne ukraine
• Rusi