POP 5

Lajmet më të lexuara të 5 minutave të fundit

Opinion

Periferi

Vajzat dhe Përbindëshi

Vajzat e indinjuara emigrante bëjnë mirë që na plasin në sy Përbindëshin që është ende brenda nesh; e shohim përditë ende të egër e primitiv që shfaqet në forma e veprime të ndryshme, por e habitshmja dhe e pabesueshmja është që ky Përbindësh rezistoka kaq shumë edhe tek ata që nuk jetojnë më në të njëjtin habitat e në të njëtat kushte.

Vajzat dhe Përbindëshi

Vera shkoi e bashkë me të edhe familjarët tanë që jetojnë prej vitesh jashtë Shqipërisë. Pata fatin të kem në familje disa nga të mitë e të ndanim bashkë dreka, darka dhe udhëtime. Pata fatin të dëgjoj prej tyre fjalë të mira për Shqipërinë, edhe pse vetë, e dimë, se nuk jemi ende vendi si na shohin në ato pak ditë të dashurit tanë emigrantë.

Kur shoh torturën që mijëra familje shqiptare pësojnë në gusht në portin e Barit, adhuroj ata të moshuar, gra e fëmijë që presin orë të tëra në të nxehtin e padurueshëm e nën diskriminimin dhe kushtet minimale njerëzore vetëm e vetëm për të ardhur në Shqipëri.

Por nga ana tjetër, adhuroj edhe shqiptarët e Shqipërisë, të cilët, ndryshe nga çdo vend i botës së qytetëruar e perfekte, kur i vijnë miqtë nga jashtë hapin shtëpinë, lënë punën e vihen në dispozicion për të bërë më të mirën e mundshme. Mendoni të mbajnë e të të shëtisin për dy javë, apo një muaj në Itali, Francë apo SHBA familjarët tanë që janë andej. Nuk do të linin dot punën, nuk do të çonin dot nëpër restorante e nuk do të bënin dot udhëtime për të shoqëruar askënd. Këtë e mirëkuptojmë dhe e dimë. Pas largimit nga Shqipëria, po shohim në rrjete sociale mes shumë lavdërimeve e fotografive të mrekullueshme, disa reagime... të frikshme.

Ajo që po ndodh këto ditë të para shtatori është diçka njerëzore dhe e pritshme, por që tregon se sa shumë punë kemi akoma për t'u përmirësuar, pikësëpari brenda vetes. Kush jeton prej vitesh në Gjermani, në Holandë, Austri a Belgjikë, është mësuar me standarde shtetesh që nuk dalin nga kafazë 40 vjeçarë diktature apo tranzicioni të lodhshëm e sfilitës si i yni; e megjithatë, i panatyrshëm më duket reagimi i pak prej tyre, egërsia, ofendimet për sa panë e për kë takuan në Shqipëri. Këto reagime - ato më poshtërueset -  të hedhura në rrjetet sociale u morën nga disa media e u shpërndanë me shpejtësi. Dihet, në rrjetet sociale më shumë pëlqime (like) marrin reagimet ekstreme: ose shumë urrejtje, ofendime ose tepër eros, luks e ekzagjerim, ndryshe, askush nuk të vë re në vorbullën globale.

Ndoshta nuk vlen të përsëris që shkruhej se këtu gjetën injorancë, padituri, shthurje, falsitet, mjerim, shëmti, degradim e të tjera përshkrime që çonin poshtë e më poshtë në humnerë realitetin shqiptar me thirrjen që prej këtej  duhet ikur sa më shpejt, ende pa u çmendur përfundimisht.

Në të vërtetë, nëse do të shohim të keqen mes nesh, epitetet e tmerrshme nuk mbaronin vetëm me ato rreshta që autoret (vajza kryesisht) hodhën në rrjet. Mes nesh e dimë se ka ende vese e fenomene akoma më të rënda dhe të shëmtuara që prekin të drejtat elementare njerëzore dhe me këto probleme përballemi përditë; torturohemi nga këta përbindësha të krijuar brenda nesh në kushte eksperimentale të një diktature që krijoi "Njeriun e ri" e të një tranzicioni që këtij "Njeriu" plot probleme i mikloi vetëm Egon e sëmurë.

Shqiptarët më të mirë po merren pikërisht me këtë: së pari po luftojnë të përmirësojnë veten e pastaj me aq sa mund të bëjnë për komunitetin, për Shqipërinë.

Vajzat e indinjuara emigrante bëjnë mirë që na plasin në sy Përbindëshin që është ende brenda nesh; e shohim përditë ende të egër e primitiv që shfaqet në forma e veprime të ndryshme, por e habitshmja dhe e pabesueshmja është që ky Përbindësh rezistoka kaq shumë edhe tek ata që nuk jetojnë më në të njëjtin habitat e në të njëtat kushte. Duket sikur ka marrë forma të reja perëndimore, por nga gjuha, agresiviteti, përbuzja, racizmi, diskriminimi, mosmirënjohja,  dhe thika vrasëse e fjalës, është i njëjti Përbindësh shkatërrues që njohim në Shqipëri. Sfida e vërtetë? Lum kush shpëton prej tij.

 

*Foto ilustruese "Përbindëshi i Diktaturës" nga Rajmonda Zajmi Avignon, ekspozuar në muzeun Bunk'Art2

*Foto brenda shkrimit: Shqiptarë në verën e viti 1990 pushtojnë Ambasadën Gjermane në Tiranë, në arrati nga Diktatura

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Perbindeshi eshte pikerishte Media e halabekeve ordiner: 05/09/2019 19:19

    Jeni te paafte te grihei ne nivele Europianne . Dicka duket qarte te stonoj aty . Perbindeshi ne ate ved eshte Media , dmth halabaket qe perbejn medie Shqiptare ,qe fuxionojn sipas asaj qe jan ata vet , duke pershtatur gjithcka e sherbim te Politikes Injoranteve . Mjafton te shikosh se cilet tipa.cfar kulture vije e kan ,perbeje medien shqipztare kupton thjeshte katasrofe Shqiptare . Media ka zhytur ate shoqeri ne llume sepse vet ka dal nga Llumi i asaj Shoqerie . Nqs ju kuptonni kte se ju Media jeni Fajtori Kryesor per ate cfar eshte sot Shqiperia , ateher mundet te dryshoj dicka e ate vend ,qe media e futi ne ji rruge qorre . Juve ju duhet mbajtur pasqyra para surratit me kuptu ndoshta dicka , gelet duke bo shkrime ,qe vet i shkrui e vet i lexoni ,e kjo tregon qarte seriozitetin tuaj si Medie ordinere . Jeni teper primitive per kte Bote por edhe teper te liqe per shqiptaret e Shqiperine .

    Përgjigju
  • po e mar njiher mundimi kot mee the te shkruaj dicka sepse ktu ne mediat shqiptare asnjiher si dihet: 05/09/2019 18:45

    ...s'i dihet , du ate them e se do behet i mundur komunikimi , do jet funxional si Medie ose jo . Them do jet fuxionali sepse ne ktej Europes ,me Komuikim ne media , nenkuptojme shkembim medimesh apo idesh lidhur me X teme ,si edhe kjo ktu sot , gje e cila per fat te keq nuk fuxionon ne mediat shqiptare aty ,si e mediat Europiane ,ku ka rregull e rrespektohet gjithcka etj . pra ...si eshte e njohur tashme (shpesh her kometi i lexuesit mbetet ofsajt Lojes ,pra Temes ,pra ktu skemi nashkbisedim ,Diskutim akoma me pak Debat ) e gjitha kjo ndodh per shkak te Perbindeshit qe tashme 30-vjet ka krijuar jovetem Pushtetin e tij ,por sa vjen e rritet ,ne ate Klime skandaloze Mediatike e ate vend qe mjerishte asnji nuk e shikon ! C'ndodh , Klima ushqen Perbindeshin dhe Perbindeshi ben cfar i do qejfi por edhe Histori! Nqs se ne ju e ju aty ,do ishim me kritik ndaj ktij fenomeni abuzues me opinionin shqiptare ,do ishim me te pergjegjshem e do t'i doim te miren ktij vendi do bashkoheshim e beim dicka kunder ,do Kontrollonim ne te gjitha se bashku Klimen dhe jo Perbindeshi ne . Kemi 30-vjet me te njejten idiference dhe asji nuk do me dit ate se ku dreqin jeni duke e cuar kte popull . Ju shkruani thjeshte me justifiku te ardhurat tuaja aty ,por jei larg shuuume larg te qeit Gazetari e shume me pak Medie e shndruar ne disa Klane sharlataesh qe i sherbejn vetem trushplarjes se bullallepsjes se ktij populli . Nqs e dalloni Perbideshin veproni # asgje nuk ndryshon . E kjo per arsye atyrishte ,te ktij Perbindeshi

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi 3 baza amerikane në Britani

Dronë misteriozë shihen mbi 3 baza amerikane në Britani

24 Nëntor, 07:41