“Plan masash për vaksinimin derë më derë dhe kontroll rigoroz në çdo institucion arsimor, publik apo privat për kartelat e vaksinimit”. Ministrja e Shëndetësisë dhe Mbrojtjes Sociale, Ogerta Manastirliu ka mbledhur sot strukturat vendore të shëndetësisë për planin e masave në terren për forcimin e mbulesës vaksinale, në mënyrë që vaksinimi të shkojë te çdo fëmijë.
“Ne kemi një mbulesë vaksinale mbi 95% por kjo nuk do të thotë që të mos merren masa për të ruajtur dhe ta përmirësuar atë, ndaj do të nisim një aksion të detajuar në terren që vaksinimi të mbërrijë te çdo fëmijë”, tha Manastirliu.
Ministrja e Shëndetësisë dhe Mbrojtjes Sociale tha se, nga sot do të nisë një verifikim i imtësishëm në çdo strukturë arsimore, për kartelat e vaksinimit.
“Me nisjen e procesit të regjistrimit në çerdhe, kopshte dhe shkolla, Njësitë Vendore të shëndetësisë do të jenë në terren për monitorimin rigoroz të kartelave të vaksinimit në çdo strukturë arsimore, qoftë publike apo private ”, tha Manastirliu.
Sipas Urdhrit të Ministres, do të ketë një koordinim të strukturave shëndetësore në territor dhe çdo institucion që nuk plotëson detyrimin për të pasur kartelën e vaksinimit për çdo fëmijë, do të gjobitet, sipas ligjit.
Manastirliu lajmëroi edhe futjen e një vaksine të re, atë të Rotavirusit, e cila ka një kosto të lartë dhe është shumë e rëndësishme për parandalimin e sëmundjeve që prekin traktin intestinal, ndër sëmundjet më të shpeshta tek fëmijët.
“Pas rekomandimeve të Këshillit Kombëtar të Vaksinimit dhe Komitetit të Ekspertëve, kemi rishikuar kalendarin e vaksinimit. Një vaksinë e re, Rotavirusi, do t’i shtohet kalendarit të vaksinimi duke filluar nga 1 Tetori, duke e çuar në 12 numrin e vaksinave të detyrueshme dhe duke e përafruar kalendarin tonë me atë të vendeve të Bashkimit Europian”, tha Manastirliu.
Lidhur me planin e masave, Manastirliu e vuri theksin te vaksinimi “derë më derë” si dhe te kontrolli I pikave kufitare për identifikimin dhe izolimin në kohë të sëmundjeve infektive.
“Por të gjitha këto masa duhet të shkojnë paralel me ‘luftën’ që duhet të kemi me përhapjen e lajmeve të rreme, sidomos në rrjetet sociale, se vaksinat nuk janë efektive. Vaksinat janë të sigurta, ndaj një apel për ndërgjegjësimin e çdo prindi, për rëndësinë e vaksinimit”, tha Manastirliu.
I pranishëm në takim, drejtori i Zyrës së Organzatës Botërore të Shëndetësore në Shqipëri, dr. Raul Gonzales Montero vlerësoi punën e strukturave të shëndetësisë përsa i takon aksesit në shërbime shëndetësore dhe e konsideroi një lajm shumë të mirë akreditimin e plotë të laboratorit të Institutit të Shëndetit Publik për Fruth-Rubeolën
“Shqipëria ka një mbulesë të mirë vaksinale por si e gjithë Europa, edhe këtu po përballemi me steriotipe të gabuara lidhur me vaksinimin si pasojë e lajmeve të rreme që qarkullojnë për vaksinat, që dekurajojnë vaksinimin, i cili në fakt është i sigurtë dhe i domosdoshëm sepse shpëton jetë”, tha drejtuesi i OBSH-së për Shqipërinë.
Komente
Lajme të tjera
-
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Vrasja e 14-vjeçarit, tensione në Kuvend/ Bardhi sulmon Manastirliun: Ja kanë shtruar muhabetit të treja si plakat, ajo është vrasëse! Dogjani: Ngrihuni t’i largojmë këta horra!
19 Nëntor, 18:10 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Ekonomia dhe Financat/ Manastirliu për buxhetin: 3800 bursa për nxënësit, 80 laboratorë të rinj, 850 punonjës psikosocialë dhe transport për fëmijë dhe mësues
12 Nëntor, 11:04 -
Dy ditët e fundit të hetimorit të shëndetësisë! Të hënë dhe të martë dëshmojnë ministra dhe ish ministra, pritet ardhja e Ilir Beqajt nga burgu
19 Tetor, 15:45 -
Qeveria ligj të ri për kërkimin shkencor/ PD: Qeveria po e centralizon! Manastirliu: Nuk preket autonomia e Universiteteve në shkencë
9 Tetor, 16:51 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Manastirliu inspekton shkollën ‘Hasan Prishtina’ në Tiranë: 300 shkolla të pajisura me laboratorë
4 Tetor, 12:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Paketa e Sigurisë/ Ministri Hoxha: Mbikqyrim shkollat me kamera sigurie, me 'SmartCity' monitorimi do jetë me inteligjencë artificiale
30 Shtator, 12:51
Duhet te jepet me teper informacion cila eshte mosha ku do aplikohet,si do aplikohet,cfare efekti ka tek femija,ka efekte anesore megative,etj. Kjo vaksine nuk keshillohet per femijet Mbi 2vjec.
PërgjigjuTe hapi syte ministria se ka me qindra mijra femije te komunitetit myslyman qe nuk vaksinohen qellimisht nga prindet e tyre.
PërgjigjuVaksinimi me efikas eshte ne shkolla dhe me ane te mjekut te familjes ne kliniken e lagjes. Dere me dere eshte e veshtire. Te behet si ne te gjithe boten,ku nxenesve ne shkolla u jepet nje leter qe. ka te perfshira pyetje mbi vaksina te ndyshme. Pasi prindi e ploteson kete flete formular, e firmos dhe ia jep femijes ta ktheje ne shkolle. Fleta permban edhe daten e vaksinimit ne shkolle. Pse do shpikim metoda, kur te tjeret na i kane bere gati si te veprojme?!
PërgjigjuEdhe aktialisht eshte detyrim te paraqesesh ne shkolla,cerdhe,kopshte kartelen e vaksinave/vertetim vaksinimi.Kjo duket perpjekje shtese