POP 5

Lajmet më të lexuara të 5 minutave të fundit

Shëndeti

Vaksinimi i detyrueshëm, Inspektorati Shëndetësor: 75% e kanë përfunduar! Rritet interesi tek të rinjtë

Për 10 ditë janë kryer 1200 inspektime nga Inspektorati Shtetëror Shëndetësor për kategoritë e personave që i përfshin vaksinimi i detyrueshëm. Zyrtarisht për Report Tv, ISHSH konfirmoi se 75% e tyre janë të vaksinuar. Ndërkohë pas valës goditëse nga varianti Omicron dhe rritjes së rasteve është shtuar interesi i të rinjve për t’u vaksinuar.

Inspektorati Shtetëror Shëndetësor ka ndërmarrë jo pak, por 1.200 kontrolle kundrejt kategorive që me vendim të komitetit të ekspertëve i përfshin vaksinimi i detyrueshëm, siç janë punonjësit e administratës publike, të supermarketeve dhe qendrave tregtare.

Burime zyrtare konfirmuan për Report Tv se nga kontrollet ka rezultuar se 75 % e  grupeve që preken nga vaksinimi i detyrueshëm kanë marrë të dyja dozat, ndërsa  pjesa tjetër paraqesin raport që kanë kaluar COVID-19, ose test PCR çdo 5 ditë.

Gladiona Lika, vaksinatore në pikën e ngritur pranë stadiumit 'Air Albania' tregon se qarkullimi i lartë dhe vala goditëse që ka shkaktuar varianti Omicron ka shtuar numrin e personave mbi 16 vjeç që zgjedhin të vaksinohen për t’u mbrojtur.

“Interes i lartë është parë për dozat e para të vaksinës nga gjimnazistët, maturantët."

Frika e infektimeve kanë shtuar dhe kërkesat për të marrë dozën e tretë përforcuese të vaksinës anti-COVID.

“Nga 300-350 vaksinime në ditë, 200 janë për dozat e treta. Jo vetëm të moshuar, por të gjitha grupmoshat.”

Prej ditësh shifrat e infektimeve për shkak të variantit omicron kanë arritur nivelet më të larta që nga fillimi i pandemisë. Por pavarësisht nga kjo numri i të shtruarve në spitale është në gjendje të stabilizuar. Në krye të infektimeve në të gjitha raportimet zyrtare qëndron Tirana që është edhe qendra më e madhe urbane në vend. 

Infektimet në Tiranë për javën e fundit:

14 janar- 1.120 raste në Tiranë

15 janar- 1.018 raste në Tiranë

16 janar- 745 raste në Tiranë

17 janar- 618 raste në Tiranë

18 janar- 1.156 raste në Tiranë

19 janar- 1.250 raste në Tiranë

20 janar- 1.112 raste në Tiranë

SI.E./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Plagosja e 50-vjeçarit shqiptar në Greqi, zbulohet dëshmia e shitëses: Thirri për ndihmë, i dilte shumë gjak dhe i vura një peshqir!

Plagosja e 50-vjeçarit shqiptar në Greqi, zbulohet dëshmia e shitëses: Thirri për ndihmë, i dilte shumë gjak dhe i vura një peshqir!

25 Dhjetor, 18:01